Dau newid wrth i Gymru ddewis tîm cryf i wynebu Fiji

James Davies a Ross Moriarty Image copyright AFP
Image caption Bydd James Davies a Ross Moriarty yn dechrau yn erbyn Fiji

Mae Warren Gatland wedi cyhoeddi ei dîm i wynebu Fiji yn Oita ddydd Mercher.

Mae'r prif hyfforddwr wedi dewis 15 cryf fel y disgwyl gan wneud dim ond dau newid i'r tîm gurodd Awstralia o 25-29 wythnos i ddydd Sul diwethaf.

Daw'r newidiadau yn y rheng-ôl gyda Ross Moriarty yn dechrau yn safle'r wythwr a James Davies yn camu i 'sgidiau Justin Tipuric sydd wedi ei orffwys.

Bydd Josh Navidi yn symud safle ac yn dechrau fel blaenasgellwr.

Image copyright David Rogers
Image caption Mae Dan Biggar wedi cael ei asesu yn gyson ar ôl ergyd i'w ben

Er iddo orfod gadael y cae yn erbyn Awstralia ar ôl cael ergyd i'w ben, mae'r maswr Dan Biggar yn dechrau.

Mae wedi cael ei asesu yn gyson dros yr wythnos ddiwethaf ac yn barod i chwarae eto.

Un newid i Fiji

Am y tro cyntaf yn y gystadleuaeth mae'r prop Rhys Carre wedi ei gynnwys yn y 23 ac yn dechrau ar y fainc yn lle Nicky Smith.

Mae Fiji wedi gwneud un newid i'r tîm gafodd fuddugoliaeth o 45-10 yn erbyn Georgia, gydag wythwr Caeredin Viliame Mata yn dechrau.

Nid oes modd chwarae darnau sain a fideo ar eich dyfais
Catrin Heledd yn holi Gareth Charles cyn Cymru v Fiji

Mae Cymru wedi ennill eu dwy gêm gyntaf yng Ngrŵp D yng Nghwpan Rygbi'r Byd ac ar y brig ar ôl sicrhau pwynt bonws yn erbyn Georgia.

Bydd eu gêm grŵp olaf ddydd Sul yn erbyn Uruguay.

Tîm Cymru:

L Williams; North, Jonathan Davies, Parkes, Adams; Biggar, G Davies; W Jones, Owens, Francis, Ball, AW Jones (capt), Navidi, James Davies, Moriarty.

Eilyddion: Carre, Dee, Lewis, Shingler, Wainwright, T Williams, Patchell, Watkin.

Tîm Fiji:

Murimurivalu; Tuisova, Nayacalevu, Botia, Radradra; Volavola, Lomani; Ma'afu, S Matavesi, Saulo, Cavubati, Nakarawa, Waqaniburotu (capt), Kunatani, Mata

Eilyddion: Dolokoto, Mawi, Ravai, Ratuniyarawa, Yato, Matawalu, Vatubua, J Matavesi.

Straeon perthnasol