Cyhoeddi enw dynes fu farw ym Mhontypridd

Sarah Hassall Image copyright Llun teulu

Mae'r heddlu wedi cyhoeddi enw dynes fu farw yn dilyn digwyddiad ym Mhontypridd.

Roedd Sarah Hassall, 38, yn wreiddiol o Chelmsford yn Essex.

Cafodd Ms Hassall ei chanfod ar ôl i'r heddlu gael eu galw i gyfeiriad yn Llys Graig Y Wion ddydd Sul.

Mae dyn 37 oed wedi ei arestio ar amheuaeth o lofruddiaeth ac mae'n cael ei gadw yn y ddalfa.

'Ffrind gorau'

Wrth roi teyrnged, dywedodd teulu Ms Hassall ei bod yn "ffrind gorau" ac y byddai'r teulu'n "ddiolchgar am y cyfnod byr y cawsom yn ei chwmni".

"Roedd Ms Hassall yn aelod o'r Awyrlu am 14 mlynedd, gan ganolbwyntio ar waith chwilio ac achub mynyddig, a chynrychioli ei hunedau mewn cystadlaethau dringo a rhedeg.

"Gadawodd y fyddin yn 2010 i ymgymryd â heriau newydd - magu dau fab ifanc, Owain ac Evan."

Mae'r heddlu'n gofyn i unrhyw un sydd â gwybodaeth am y digwyddiad i gysylltu â nhw.

Pynciau Cysylltiedig