Gêm gyfeillgar: Merched Cymru 2-0 Merched Estonia

  • Cyhoeddwyd
v estoniaFfynhonnell y llun, Lewis Storey
Disgrifiad o’r llun,
Roedd torf o 2,015 yno i wylio'r gêm ar y Cae Ras nos Wener

Roedd Cymru yn rhy gryf i Estonia mewn gêm gyfeillgar o flaen torf o dros 2,000 yn y Cae Ras nos Wener.

Roedd hi'n hanner cyntaf rhwystredig i Gymru wrth i'r ymwelwyr atal tîm Jayne Ludlow rhag sgorio.

Ond fe ddaeth y goliau yn yr ail hanner diolch i Megan Wynne a Nadia Lawrence.

Doedd Cymru heb golli yn erbyn Estonia - sydd bellach yn cael eu rheoli gan gyn-reolwr Cymru, Jarmo Matikainen - yn y tair gêm flaenorol rhwng y ddwy wlad, gan ennill dwy ac un gêm yn gorffen yn gyfartal.