Achos Nantgaredig: Rheithgor yn dechrau ystyried

Cyhoeddwyd
Andrew Jones
Disgrifiad o’r llun,
Mae Andrew Jones yn gwadu llofruddio Michael O'Leary, oedd yn gyfaill iddo am flynyddoedd

Mae'r rheithgor wedi cael eu hanfon allan i ystyried eu dyfarniad yn achos llofruddiaeth Nantgaredig.

Mae Andrew Jones, 53, o Gaerfyrddin yn gwadu llofruddio Michael O'Leary trwy ei ddenu i ffermdy a'i saethu cyn llosgi ei gorff.

Yn ystod y bore bu'r barnwr Mr Ustus Jefford yn crynhoi'r dystiolaeth.

Dywedodd wrth aelodau'r rheithgor: "Ydych chi'n sicr fod Andrew Jones wedi lladd Michael O'Leary drwy ei saethu, gan fwriadu ei ladd neu achosi niwed difrifol?

"Os ydych y sicr mae'n rhaid cael Andrew Jones yn euog, os nad ydych yn sicr yna mae'n rhaid ei gael yn ddieuog."