Williams i golli dechrau'r Chwe Gwlad wedi gwaharddiad

Cyhoeddwyd
Ffynhonnell y llun, Huw Evans Agency
Disgrifiad o’r llun,
Fe welodd Liam Williams gerdyn coch am wneud cysylltiad pen yn erbyn pen â Shane Lewis-Hughes

Ni fydd Liam Williams ar gael i Gymru ar gyfer dechrau'r Chwe Gwlad eleni wedi iddo gael ei wahardd ar ôl derbyn cerdyn coch i'r Scarlets yn y golled yn erbyn Gleision Caerdydd.

Cafodd y cefnwr ei yrru o'r maes am wneud cysylltiad pen yn erbyn pen â Shane Lewis-Hughes mewn sgarmes.

Mae bellach wedi cael ei wahardd am dair gêm, gan olygu na fydd ar gael ar gyfer gêm agoriadol Cymru ym Mhencampwriaeth y Chwe Gwlad yn erbyn Iwerddon ar 7 Chwefror.

Mae gemau Ewropeaidd wedi'u canslo am y tro oherwydd Covid-19, felly'r disgwyl yw y bydd y Scarlets yn trefnu gêm Pro14 yn erbyn y Gleision y penwythnos nesaf gan fod bwlch yn yr amserlen.

Ni fydd Williams ar gael ar gyfer y gêm honno na'r gêm yn erbyn Leinster ar 30 Ionawr.

Straeon perthnasol