Adran Dau: Casnewydd 0-1 Leyton Orient

  • Cyhoeddwyd
Joe LedleyFfynhonnell y llun, Huw Evans Agency
Disgrifiad o’r llun,
Mae Joe Ledley wedi ymuno â Chasnewydd tan ddiwedd y tymor

Roedd yna ergyd i obeithion Casnewydd i sicrhau dyrchafiad o'r Ail Adran wrth iddynt golli gartref 1-0 i Leyton Orient.

Conor Wilkinson sgoriodd yr unig gol y gêm yn dilyn croesiad Daniel Kemp mewn gem gafodd ei chwarae yn Stadiwm Dinas Caerdydd.

Roedd y llumanwr wedi dynodi fod yna gamsefyll, ond anghytuno wnaeth y dyfarnwr.

Daeth Joe Ledley ymlaen o'r fainc, yn ei gêm gyntaf i Gasnewydd ers arwyddo i'r clwb yng nghanol yr wythnos.