a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Crynodeb

  1. Canlyniad: Cymru 27-23 Yr Alban
  2. Ail gêm Cymru yn y Chwe Gwlad eleni
  3. Cliciwch uwchben i wrando ar sylwebaeth Radio Cymru

Y diweddaraf yn fyw

Mae pob amser yn lleol i'r DU

Cyfrannu

  1. A dyna ni...

    Diolch yn fawr i chi am ddilyn llif byw Cymru v Yr Alban, fe fydd y llif byw arbennig yn ôl ar gyfer Cymru v Ffrainc ym mhen pythefnos.

  2. Colofn y clo - Rhan 3

    Andrew Coombs

    Clo Cymru a'r Dreigiau

    "Yr unig le lle gall yr Alban roi trafferth i ni yw yn y rheng flaen.

    "Mae Dickinson a Nel yn bropiau eithaf pwerus a phrofiadol ac er bod rheng flaen Cymru wedi chwarae'n arbennig o dda yn erbyn Iwerddon, mae Samson Lee a Rob Evans yn gymharol ifanc.

    "Bydd y diffyg profiad yn erbyn dau hen ben yn agwedd y bydd yr Alban yn rhoi pwyslais arni mae'n siŵr."

    Rob Evans
  3. "Mwy i'w gynnig"

    BBC Radio Cymru

    Y cyn chwaraewr, Emyr Lewis, un o dîm sylwebu Y Camp Lawn ar BBC Radio Cymru y pnawn 'ma yn dweud "rwy'n hapus gyda'r fuddugoliaeth, ond mae fwy gan Gymru i'w gynnig dwi'n credu." 

  4. 'Cymru yn haeddu ennill yn y diwedd'

    Non Evans

    Cyn-gapten merched Cymru

    Dyna chi linell gan Duncan Taylor. Wedi cael gêm wych, er taw Jamie Roberts yw seren y gêm, Cymru yn haeddu ennill yn y diwedd. 

    Wnaeth yr eilyddion wneud gwahaniaeth i Gymru. Gwyn Hoofs Warberton a Lydiate yn y rheng ôl. 

    Buddugoliaeth dda one rhaid codi eu gêm cyn chwarae yn erbyn Ffrainc.

  5. Cymru 27-23 Yr Alban

    George Clancy yn chwythu wedi'r cymal olaf o chwarae. Gem anodd i Gymru, ond y crysau cochion yn sicrhau'r fuddugoliaeth yn y pen draw.

    stadiwm
  6. Dim ond eiliadau

    Eiliadau o chwarae ar ol, a phedwar pwynt rhwng y ddau dim.

  7. Cais i'r Alban

    Yr Alban yn parhau i frwydro, cais i'r ymwelwyr, gyda munud i fynd.

    Laidlaw yn trosi eto.

  8. Un o gefnogwyr ifancaf Cymru?

    Gwên fawr yng nghartref y gantores Gwawr Edwards wrth wylio'r rygbi y prynhawn 'ma. 

    View more on twitter
  9. GEORGE NORTH!!!!

    Cais arall i Gymru gan y cawr o Ynys Môn!

    Mae Cymru yn dechrau deffro!

    Biggar yn trosi eto  - Cymru 27-16 Yr Alban

    north
  10. Post update

    Biggar yn trosi eto.

    Cymru 20-16 Yr Alban

  11. 'Dyma chi gêm'

    Non Evans

    Cyn-gapten merched Cymru

    Dyna chi rediad gan Jamie Roberts, angen y cais ar ôl troi lawr cyfle am y pyst.... Fel wedes i... Dyna chi gem!!!!

    cymru
  12. CAIS I GYMRU!!!

    Wedi cyfnod o bwyso'n drwm ar linell Yr Alban, Jamie Roberts yn croesi, gan roi Cymru ar y blaen.

    jamie
  13. Post update

    Yr Alban yn troseddu, ond Cymru'n colli'r fantais, sgrym arall o bum llath.

  14. Cymru'n pwyso

    Cymru'n pwyso'n gryf ar Yr Alban, sgrym i'r crysau cochion pum llath allan.

  15. Post update

    Tom James yn carlamu i lawr y cae, a bron iawn yn cyrraedd llinell Yr Alban, ond tacl wych yn ei rwystro ychydig latheni cyn croesi.

  16. Cymru 13-16 Yr Alban

    Yr ymwelwyr yn ôl ar y blaen wedi cic arall gan Greig Laidlaw

  17. Post update

    Cymru yn dymchwel y sgrym yn fuan, George Clancy yn dyfarnu cic gosb i'r ymwelwyr.

  18. Gêm gyfartal arall?

    Non Evans

    Cyn-gapten merched Cymru

    Dyma chi bas gan Gareth Davies, ac yna rhediad cyntaf George North o'r gystadleuaeth. Gobeithio gall hwn ysbrydoli Cymru.... Gêm gyfartal arall...???

    rygbi
  19. Tri phwynt i Gymru!

    Cymru yn dangos eu sgiliau gwrth ymosod, a Biggar yn llwyddo i ddod a'r sgôr yn gyfartal am y tro.

    Cymru 13-13 Yr Alban

  20. Post update

    Cymru yn deffro, George North yn creu cyfle i Gymru, ond yr ymwelwyr yn cam-sefyllian, cic gosb i Gymru, cyfle am dri phwynt?