Edrych yn ôl ar 6 Mehefin

Fe fydd y llif byw yn dychwelyd am 08:00 fore Mawrth.

Bydd heno’n noson sych a chynnes gyda rhai cyfnodau braf, ond bydd 'na gaowydd o gwmpas hefyd - rhai o’r rhain yn drwm iawn ac yn daranllyd. 

Y tymheredd isaf dros nos yn 14°C.

Mae CPD Dinas Bangor newydd gyhoeddi bod consortiwm o ddynion busnes o Sir Caer wedi prynu'r clwb.

Mewn datganiad ar eu gwefan, fe fydd y swyddogion presennol yn camu o'r neilltu, ac Ivor Jenkins fydd cadeirydd newydd y clwb.

bangor cityCopyright: bangor city

Yn Aberystwyth, mae ciwiau ar yr A487 tua’r gogledd yn y gwaith ffordd rhwng Llanfarian a Rhydyfelin, ac mae damwain wedi digwydd ar yr A525 ym Miwmares.  

Ers i Gymru gyrraedd rowndiau terfynol Cwpan y Byd yn 1958, mae'r tîm cenedlaethol wedi dod yn agos at wneud eu marc ar y byd pêl-droed rhyngwladol sawl tro. 

Mewn cyfres o erthyglau, bydd Cymru Fyw yn edrych yn ôl ar rai o'r adegau cyffrous orffennodd mewn siom wrth i Gymru foddi wrth ymyl y lan.  

Pwy sy'n cofio'r gêm honno yn erbyn yr Alban ym Mharc Ninian ym mis Medi 1985? Gêm sy'n aros yn y cof am farwolaeth sydyn Jock Stein, a'r siom o fethu cyrraedd y nod unwaith eto.

GoogleCopyright: Google

Mae golwg360 yn adrodd fod Aelod Cynulliad Plaid Cymru wedi cyhoeddi heddiw na fydd yn mynychu agoriad swyddogol y Pumed Cynulliad yfory.

Mewn neges ar Twitter, dywedodd Bethan Jenkins: “Fel gweriniaethwr ymroddedig, fydda’ i ddim eto’n mynychu agoriad brenhinol o’r #senedd. Byddaf yn parhau gyda’r gwaith o wasanaethu’r bobol yn fy rhanbarth.”

Fe fydd y Frenhines, Dug Caeredin, Y Tywysog Siarl a Duges Cernyw yn teithio i Fae Caerdydd yfory er mwyn agor tymor newydd y Cynulliad Cenedlaethol.

Yn draddodiadol, ar derfyn wythnos Prifwyl yr Urdd, bydd cystadleuwyr a thrigolion y maes yn ymlwybro o'r pafiliwn trwy'r stondinau caeëdig, a mynd adref i wylio uchafbwyntiau'r dydd, neu fynd allan i'r dref agosaf, gan ddweud hwyl fawr i'r Eisteddfod tan y flwyddyn nesaf.

Ifan Prys o grŵp y Cledrau sy'n adolygu'r gig wnaeth gloi Eisteddfod yr Urdd eleni.

bbcCopyright: bbc

Yn y Daily Post mae manylion digwyddiad 'Ted Talk' Cymraeg fydd yn cael ei gynnal yng Nghanolfan Pontio, Bangor. Ymysg y siaradwyr mae rhedwr cyn-chwaraewr pêl-droed rhyngwladol, llawfeddyg niwrolegol a rhedwr marathons ultra. 

BBCCopyright: BBC

Mae Undeb Rygbi Cymru wedi cyhoeddi fideo o'r garfan yn ymarfer cyn gêm brawf yn erbyn Seland Newydd ddydd Sadwrn. 

 Y gêm dydd Sadwrn fydd y gyntaf o dair yn nhaith y tîm cenedlaethol i hemisffer y de'r haf hwn.

Mae gwefan WalesOnline yn trafod chwaraewyr Seland Newydd fydd yn debygol o wynebu Cymru yn Eden Park ddydd Sadwrn. Mae Seland Newydd wedi colli ambell seren ers Cwpan y Byd, gyda Dan Carter a Richie McCaw ymysg y chwaraewyr i ymddeol o rygbi rhyngwladol.

BBCCopyright: BBC

Mae'r Llanelli Star yn adrodd y bydd Canolfan Tŷ Llanelli yn cynnal arddangosfa o wisgoedd cyfresi Dad's Army a Mr Selfridge dros yr haf. 

Fe ddaw'r arddangosfa wedi llwyddiant arddangosfa o wisgoedd y gyfres boblogaidd Downton Abbey, a gafodd ei gynnal yn y ganolfan flwyddyn ddiwethaf.

BBCCopyright: BBC

Y diweddara' o'r criced ydi bod Morgannwg 74/1 (18 pelawd) yn erbyn Sir Caerloyw, gyda David Lloyd allan am 28.

BBCCopyright: BBC

Mae'r Argus yn adrodd fod Comisiynydd Heddlu a THrosedd Heddlu Gwent yn chwilio am ddirprwy newydd.

Fe gafodd Jeffrey Cuthbert o'r blaid Lafur ei ethol i'r swydd yn dilyn etholiad ym mis Mai.

Mae ymchwiliad wedi dechrau i achos tân mawr ar ochr mynydd uwchben Dwygyfylchi, ger Penmaenmawr, dros y penwythnos.

Ar un adeg roedd y fflamau wedi cyrraedd tua 100 llath o res o fythynnod ac roedd 'na bryder y gallai rhai pobl leol orfod gadael eu cartrefi.

bbcCopyright: bbc

Bydd hi’n brynhawn braf a chynnes arall gydag awel ysgafn. Bydd hi’n sych i’r rhan fwyaf ond mae na gawodydd o gwmpas gyda chawodydd trymion, chesair a tharanau i rai. 

Mae rhybudd melyn am hyn yn y gogledd orllewin a Bae Ceredigion tan 21:00. Y tymheredd uchaf yn 25°C.

Ar Radio 4 dros y penwythnos darlledwyd rhaglen y comediwr Elis James, a oedd yn trafod beth yw ein gêm genedlaethol yng Nghymru? Yn y cyntaf o ddwy raglen ar y pwnc, mae Elis yn siarad â Martin Johnes, Sarah Dunant, Laura McAllister, Dai Smith a Simon Kuper.

BBCCopyright: BBC

Mae Folk Radio UK  wedi cyhoeddi adolygiad o albwm diweddara'r triawd gwerinol Plu. 

Dywed yr adolygiad fod y grŵp o bentref Bethel ger Caernarfon wedi cyrraedd y disgwyliadau uchel a bod eu halbwm - Tir A Golau - yn llwyddo i "gyfleu tirwedd gogledd Cymru drwy'r newidiadau cerddorol a gwead yn y cyfanwaith."

bbcCopyright: bbc

Mae cwmni bysiau Silcox o Sir Benfro wedi ei roi yn nwylo'r gweinyddwyr.

Roedd y cwmni 134 oed yn rhedeg fflyd o 65 bws ond mae wedi rhoi'r gorau i fasnachu ar ôl cael ei roi yn nwylo'r gweinyddwyr ddydd Llun.

Mae Sky News wedi trydar i ddweud fod cyn-reolwr Caerdydd, Russel Slade wedi ei benodi yn rheolwr ar Charlton Athletic.

Gallai Sgwâr y Castell yn Abertawe gael ei drawsnewid yn barc dinesig.

Mae cynghorwyr yn dweud bod y sgwâr, a gafodd ei ddatblygu yn y 1990au, "wedi gweld dyddiau gwell" ac maen nhw eisiau ei adfywio a'i wneud yn fwy "lliwgar".

bbcCopyright: bbc