Cofiwch am ein llif byw arbennig ni heno fydd yn dechrau am 22:00 wrth i'r pleidleisiau yn y refferendwm gael eu cyfrif.
Hwyl am y tro.
Adolygiad: Diwrnod Hyfryd Sali Mali
Mae Lowri Haf Cooke yn adolygu fersiwn Cwmni Arad Goch o sioe lwyfan Sali Mali yn ei blog diweddaraf.
Mwynhau'r sioe wnaeth Lowri a phlentyn ei ffrind, a hynny er gwaethaf absenoldeb Jac y Jwc!
Mae'r sioe ar daith tan Orffennaf 8.
Arad GochCopyright: Arad Goch
Croeso gan y Comisiynydd
Golwg 360
Mae Comisiynydd y Gymraeg wedi croesawu’r cadarnhad y bydd pwyllgor newydd yn cael ei sefydlu yn y Cynulliad i graffu ar faterion yn ymwneud â’r Gymraeg, meddai Golwg360.
Cyhoeddwyd yn y Senedd ddoe y bydd Pwyllgor Diwylliant, y Gymraeg a Chyfathrebu yn cael ei sefydlu.
Dywedodd Meri Huws bod sefydlu’r pwyllgor yn ateb un o’i phrif bryderon fel Comisiynydd, nad oedd digon o graffu ar faterion yn ymwneud â’r Gymraeg.
Pob lwc Cymru!
Mae'r Cynulliad Cenedlaethol wedi dymuno pob lwc i Gymru ddydd Sadwrn wrth i dîm Chris Coleman herio Gogledd Iwerddon ym Mharis yn rownd yr 16 olaf yn Euro 2016.
Bydd llif byw arbennig Cymru Fyw yn dechrau am 22:00 heno wrth i'r pleidleisiau gael eu cyfrif.
Gallwch hefyd ddilyn y datblygiadau ar raglen dros nos y BBC ar S4C a Radio Cymru.
Noson sych?
Tywydd, BBC Cymru
Mae Rhian Haf yn obeithiol am y tywydd heno: "Dal yn sych, ac yn drymaidd eto, ond yn cymylu dros nos, pan fydd na gawodydd ysgafn yn cyrraedd y gogledd-orllewin.
"Er fod disgwyl tipyn o dywydd sych bore Gwener, fydd na gawodydd eitha trwm yn datblygu yn ystod y dydd."
Mae'n bosib i gefnogwr brwd Cymru fethu cyrraedd Paris ddydd Sadwrn ar ôl colli ei fag, oedd yn cynnwys ei basbort a'i dalebau ar gyfer y gêm, meddai'r Daily Post.
Fe all Tim Williams o'r Bala fethu'r ornest yn erbyn Gogledd Iwerddon wedi colli'r bag du Patagonia ar daith drên o Birmingham i'r Waun.
Roedd ef a'i deulu ar eu ffordd yn ôl o Ffrainc ar ôl gwylio tîm Chris Coleman yng ngemau'r grŵp.
Dedfrydu Sean Buckley i oes o garchar
BBC Cymru Fyw
Mae dyn wnaeth lofruddio bachgen 17 mis oed ac achosi creulondeb i blentyn wedi ei ddedfrydu i oes o garchar.
Bu farw Finley Thomas ar ôl cael ei ddarganfod ag anafiadau difrifol iawn yn ei gartre' yn Nhonypandy yn 2014.
Roedd Sean Buckley, 28, wedi gwadu cyhuddiad o lofruddiaeth.
Dywedodd y barnwyr y bydd Buckley dan glo am o leia' 17 mlynedd cyn y bydd yr awdurdodau yn ystyried ei ryddhau.
Yn ogystal â chael y cyfan ar ein llif byw arbennig ni sy'n dechrau am 22:00 heno, gallwch hefyd ddilyn y datblygiadau ar raglen dros nos y BBC ar S4C a Radio Cymru.
Rhian Haf sydd â'r diweddaraf am dywydd y prynhawn:
"Fydd hi'n dal yn sych ac yn braf weddill y dydd," meddai, "tipyn o heulwen, yn enwedig yn y gogledd a'r gorllewin, a fydd hi'n eitha' cynnes efo gwynt ysgafn.
"Y tymheredd ar ei ucha' ymhellach i'r dwyrain, tua 21C yng Nghaerdydd a Phenarlâg, ac yn debyg o godi radd neu ddwy arall yn ystod y pnawn."
Y diweddaraf yn fyw
Mae pob amser yn lleol i'r DU
Cyfrannu
A dyna ni....
BBC Cymru Fyw
Cofiwch am ein llif byw arbennig ni heno fydd yn dechrau am 22:00 wrth i'r pleidleisiau yn y refferendwm gael eu cyfrif.
Hwyl am y tro.
Adolygiad: Diwrnod Hyfryd Sali Mali
Mae Lowri Haf Cooke yn adolygu fersiwn Cwmni Arad Goch o sioe lwyfan Sali Mali yn ei blog diweddaraf.
Mwynhau'r sioe wnaeth Lowri a phlentyn ei ffrind, a hynny er gwaethaf absenoldeb Jac y Jwc!
Mae'r sioe ar daith tan Orffennaf 8.
Croeso gan y Comisiynydd
Golwg 360
Mae Comisiynydd y Gymraeg wedi croesawu’r cadarnhad y bydd pwyllgor newydd yn cael ei sefydlu yn y Cynulliad i graffu ar faterion yn ymwneud â’r Gymraeg, meddai Golwg360.
Cyhoeddwyd yn y Senedd ddoe y bydd Pwyllgor Diwylliant, y Gymraeg a Chyfathrebu yn cael ei sefydlu.
Dywedodd Meri Huws bod sefydlu’r pwyllgor yn ateb un o’i phrif bryderon fel Comisiynydd, nad oedd digon o graffu ar faterion yn ymwneud â’r Gymraeg.
Pob lwc Cymru!
Mae'r Cynulliad Cenedlaethol wedi dymuno pob lwc i Gymru ddydd Sadwrn wrth i dîm Chris Coleman herio Gogledd Iwerddon ym Mharis yn rownd yr 16 olaf yn Euro 2016.
Refferendwm: Y diweddara' ar Cymru Fyw
Refferendwm UE
Bydd llif byw arbennig Cymru Fyw yn dechrau am 22:00 heno wrth i'r pleidleisiau gael eu cyfrif.
Gallwch hefyd ddilyn y datblygiadau ar raglen dros nos y BBC ar S4C a Radio Cymru.
Noson sych?
Tywydd, BBC Cymru
Mae Rhian Haf yn obeithiol am y tywydd heno: "Dal yn sych, ac yn drymaidd eto, ond yn cymylu dros nos, pan fydd na gawodydd ysgafn yn cyrraedd y gogledd-orllewin.
"Er fod disgwyl tipyn o dywydd sych bore Gwener, fydd na gawodydd eitha trwm yn datblygu yn ystod y dydd."
Am eich tywydd lleol, ewch i wefan dywydd BBC Cymru.
Ysbrydolaeth 'Y Llyfrgell'
Cylchgrawn, Cymru Fyw
Mae Fflur Dafydd yn esbonio lle'r oedd hi pan gafodd hi'r syniad ar gyfer ei nofel Y Llyfrgell.
Mae'r llyfr wedi'i addasu'n ffilm fydd yn cael ei ddangos am y tro cyntaf yng Ngŵyl Caeredin fis nesaf.
Euro 2016: Cymru'n anelu curo
BBC Sport Wales
Mae Cymru'n anelu tuag at ennill pencampwriaeth Euro 2016, meddai Gareth Bale.
Er colli 2-1 i Loegr, tîm Chris Coleman wnaeth orffen ar frig y grŵp wedi buddugoliaeth o 3-0 yn erbyn Rwsia.
Ond mynnodd Bale bod Cymru'n canolbwyntio ar y gêm yn erbyn Gogledd Iwerddon ddydd Sadwrn ym Mharis ar hyn o bryd.
Pentref llechi ar werth
Daily Post
Mae cymuned lechi gyfan ar werth yn Aberllefenni ger Machynlleth, medd y Daily Post.
Felly os oes gennych chi £1.5 miliwn i'w sbario...
Coch dros Gymru
Mae O.M Edwards a'i fab, Syr Ifan ab Owen Edwards, yn gwisgo'r crysau coch i ddatgan eu cefnogaeth i dîm Chris Coleman...
Euro 2016: Colli pasport
Daily Post
Mae'n bosib i gefnogwr brwd Cymru fethu cyrraedd Paris ddydd Sadwrn ar ôl colli ei fag, oedd yn cynnwys ei basbort a'i dalebau ar gyfer y gêm, meddai'r Daily Post.
Fe all Tim Williams o'r Bala fethu'r ornest yn erbyn Gogledd Iwerddon wedi colli'r bag du Patagonia ar daith drên o Birmingham i'r Waun.
Roedd ef a'i deulu ar eu ffordd yn ôl o Ffrainc ar ôl gwylio tîm Chris Coleman yng ngemau'r grŵp.
Dedfrydu Sean Buckley i oes o garchar
BBC Cymru Fyw
Mae dyn wnaeth lofruddio bachgen 17 mis oed ac achosi creulondeb i blentyn wedi ei ddedfrydu i oes o garchar.
Bu farw Finley Thomas ar ôl cael ei ddarganfod ag anafiadau difrifol iawn yn ei gartre' yn Nhonypandy yn 2014.
Roedd Sean Buckley, 28, wedi gwadu cyhuddiad o lofruddiaeth.
Dywedodd y barnwyr y bydd Buckley dan glo am o leia' 17 mlynedd cyn y bydd yr awdurdodau yn ystyried ei ryddhau.
Rhoi Castell Y Fflint ar y map
Daily Post
Mae'r Daily Post yn adrodd y bydd gwaith celf "o safon rhyngwladol" yn cael cartre' o fewn muriau Castell Y Fflint.
Fe fydd y darn o gelf cyhoeddus yn "rhan hanfodol" o'r ymgyrch i sefydlu 2017 fel "Blwyddyn y Chwedlau" yng Nghymru, medd y wefan.
Refferendwm: Y diweddara' ar wasanaethau'r BBC
Refferendwm UE
Yn ogystal â chael y cyfan ar ein llif byw arbennig ni sy'n dechrau am 22:00 heno, gallwch hefyd ddilyn y datblygiadau ar raglen dros nos y BBC ar S4C a Radio Cymru.
O Felarws i Efrog Newydd...ac i Ffrainc
BBC Wales News
Mae un cefnogwr Cymru wedi gwario £2,000 yn teithio 3,500 milltir i wylio'r tîm yn Euro 2016 - er nad ydy o'n Gymro!
Mae BBC Wales News yn adrodd hanes Alex Zyl, 35, o Felarws ond sy'n byw yn Efrog Newydd erbyn hyn.
Mi ddechreuodd gefnogi Cymru ar ôl gwneud ffrindiau hefo Cymry yn y brifddinas Minsk 16 mlynedd yn ôl.
Dywedodd bod cefnogwyr Cymru "wastad yn gyfeillgar a wastad yn hwyl".
Bale: Braf gorffen uwchben y Saeson
BBC Camp Lawn
Bale yn atgyfnerthu teimladau sawl un mae'n debyg...
Damwain A4232: Ffordd dal ynghau
Teithio BBC Cymru
Caerdydd: Mae'r A4232 yn dal wedi cau tua'r dwyrain (o'r M4 i Bae Caerdydd) ar ôl i gar droi drosodd rhwng Croes Cwrlwys a Lecwydd.
Bale yn obeithiol am Ogledd Iwerddon
BBC Camp Lawn
Mae Gareth Bale wrthi'n siarad hefo'r wasg yn Dinard ac mae Camp Lawn yn dilyn y gynhadledd ar eu cyfrif Twitter.
Blwch o'r gorffennol
Twitter
Dyma sut oedd pobl yn arfer pleidleisio yn yr oes â fu.
Pnawn braf
Tywydd, BBC Cymru
Rhian Haf sydd â'r diweddaraf am dywydd y prynhawn:
"Fydd hi'n dal yn sych ac yn braf weddill y dydd," meddai, "tipyn o heulwen, yn enwedig yn y gogledd a'r gorllewin, a fydd hi'n eitha' cynnes efo gwynt ysgafn.
"Y tymheredd ar ei ucha' ymhellach i'r dwyrain, tua 21C yng Nghaerdydd a Phenarlâg, ac yn debyg o godi radd neu ddwy arall yn ystod y pnawn."
Am y tywydd yn eich ardal chi, ewch i wefan dywydd BBC Cymru.