Yr ymateb i Euro 2016 a mwy

Mae Heddlu Dyfed-Powys yn ymchwilio ar ôl i dri dyn geisio ymosod a dwyn oddi wrth ddyn arall yn Aberystwyth nos Fercher.

Roedd y dyn 53 oed yn ceisio cymryd arian o dwll yn y wal yn Cambrian Place pan ddigwyddodd yr ymosodiad tua 23:30.

Tua'r un adeg fe wnaeth y tri dyn ymosod ar ddyn 29 oed, hefyd yn Cambrian Place.

Mae'n bosib nad oes neb yn adnabod coedwig Mametz, lle lladdwyd 4,000 o filwyr Cymru yn y Rhyfel Mawr, gystal â'r ffotograffydd Aled Rhys Hughes.

Mae o wedi ymweld â'r safle sawl gwaith mewn ymgais i gofnodi awyrgylch a theimlad y goedwig gyda'i gamera. 

Mae'n trafod yr awyrgylch yn Mametz. ar wefan Cymru Fyw.  

Aled Rhys HughesCopyright: Aled Rhys Hughes

Efallai gall cartŵn Huw Aaron roi rheswm ichi wenu ar ôl neithiwr.

Yn ôl cyn ymosodwr Cymru, Dean Saunders, mae angen gwario'r arian y mae Cymdeithas Bêl-droed Cymru wedi ei ennill yn Euro 2016 ar adeiladu canolfan hyfforddi o safon yn y gogledd.

Bydd y Gymdeithas yn derbyn dros £14m gan UEFA am gyrraedd rownd gynderfynol y gystadleuaeth. 

BBCCopyright: BBC

Bydd heno’n noson gymylog gyda pheth glaw yn y de ond dylai fod yn gliriach yn y gogledd. 

Erbyn yr oriau mân, bydd y glaw’n lledu tua’r gogledd gan adael bore llwyd a llaith i bawb. 

Bydd hi’n noson glos. 

Y tymheredd ar ei isaf yn 14°C.

Ewch i'r wefan dywydd am fwy o wybodaeth.

Dywed BBC Cymru y bydd yna ddarllediadau byw ddydd Gwener o'r dathliadau i groesawu tîm pêl droed Cymru yn ôl o Euro 2016. 

Dywedodd llefarydd: "Bydd darllediadau helaeth o'r tîm yn cyrraedd yn ôl i Gymru, yn ogystal â digwyddiad Croeso'r Cefnogwyr, ar gael ar deledu, radio ac ar-lein yn Gymraeg ac yn Saesneg."

Bydd yr holl gyffro ar gael ar BBC One Wales a bydd ffrwd fyw ar wefan BBC Cymru Fyw a gwefan BBC Wales News.

Bydd darllediadau radio o'r holl ddigwyddiadau ar BBC Radio Cymru a BBC Radio Wales, a darlledu byw hefyd yn Gymraeg ar S4C.

ReutersCopyright: Reuters

Mae BBC Newsround yn dweud stori Cymru yn Euro 2016 mewn chwe llun. 

BBCCopyright: BBC

Mae Prifysgol Metropolitan Caerdydd wedi penodi Is-Ganghellor newydd.

Fe fydd yr Athro Cara Carmichael Aitchison, Is-Ganghellor presennol Prifysgol St Mark & St John, Plymouth, yn olynu'r athro Antony Chapman.

Bydd yn dechrau ei swydd newydd ar 1 Hydref.

Yr Ysgrifennydd Cartef Theresa May neu Andrea Leadsom, y Gweinidog Ynni, fydd prif weinidog nesaf Prydain. 

Daw hyn ar ôl i aelodau seneddol Ceidwadol bleidleisio ddydd Iau i ddewis y ddau ymgeisydd fydd â'r hawl i gystadlu yn y bleidlais fydd yn cael ei chynnal ymhlith holl aelodau'r blaid i ddewis arweinydd newydd erbyn 9 Medi.    

Daeth Michael Gove, yr Ysgrifennydd Cyfiawnder, yn drydydd.

Canlyniad y bleidlais oedd Theresa May (199), Andrea Leadsom (84) a Michael Gove (46).

AFP/Getty/EPACopyright: AFP/Getty/EPA

Mae Eisteddfod Ryngwladol Llangollen wedi ei chynnal wythnos yma. 

Ac mae'r ŵyl wedi bod yn fôr o liw fel gwelwch chi o luniau Dewi Glyn Jones.

Dewi Glyn JonesCopyright: Dewi Glyn Jones

Bydd 148 o brosiectau cymunedol ledled Cymru'n derbyn cyfran o £608,427 gan y Gronfa Loteri Fawr.

Yn eu plith mae Aberconwy Mind yng Nghonwy a fydd yn defnyddio £4,828 i gynnal cyfres o gyrsiau a gweithdai i helpu pobl ifanc sy'n profi anawsterau gyda phryder.

Mae'r asgellwr o Gambia, Modou Barrow, wedi arwyddo cytundeb tair blynedd newydd gydag Abertawe meddai BBC Sport. 

Roedd gan y chwaraewr 23 oed ddwy flynedd ar ôl ar ei hen gytundeb ond mae bellach wedi cytuno i aros gyda'r clwb tan Mehefin 2019.

Getty ImagesCopyright: Getty Images

Mae dyn o Ruthun wedi ei garcharu am bum mlynedd ar ôl ymosod ar ddyn arall a'i fygwth yn ei wddw gyda chyllell. 

Clywodd Llys y Goron yr Wyddgrug fod Lance Thomas 21 wedi bod yn yfed cyn iddo ymosod ar ei ffrind Chad Clemson a ddioddefodd anafiadau i'w wyneb, gwddw a'i gefn. 

Llun o'r gwasanaeth coffa i gofio'r cannoedd o filwyr o Gymru a gafodd eu lladd yn ystod y Rhyfel Mawr.

Dywed y Daily Post fod geiriau'r Aelod Seneddol Jo Cox a lofruddiwyd y mis diwethaf wedi ei ddyfynnu mewn neges heddwch gan bobl ifanc o Rosllannerchrugog yn Eisteddfod Llangollen.

Wrth gyflwyno eu neges heddwch o'r llwyfan ddydd Mercher, atgoffodd Berwyn Jones o Theatr yr Ifanc Rhos y gynulleidfa o eiriau Ms Cox: "Mae gennym lawer mwy yn gyffredin rhyngom na'r pethau sy'n ein gwahanu".

bbcCopyright: bbc

Mae hi wedi bod yn dair wythnos ryfeddol yn hanes pêl-droed Cymru. 

Ian Edwards, cyn-ohebydd Chwaraeon ITN a chyn-gyfarwyddwr marchnata Teledu Wimbledon, sy'n dyfalu beth fydd goblygiadau'r llwyddiant i ddyfodol pêl droed yng Nghymru.

Daily TelegraphCopyright: Daily Telegraph

Mae gwesty crand yn Llandderfel ger y Bala ar fin ailagor ar ei newydd wedd meddai'r Daily Post.

Mae'r cogydd Michael Caines, sydd â dwy seren Michelin, yn gysylltiedig â'r busnes newydd yn Palé Hall Hotel. 

bbcCopyright: bbc

Mae Elis James eisiau dechrau o'r dechrau eto ar ôl Euro 2016.

Mae cynghorwyr Sir Benfro wedi pleidleisio o blaid gwelliant i'r cynnig ynglŷn ag ad-drefnu addysg uwchradd yn y sir.

Mae hyn yn golygu y byddan nhw yn edrych ar y sefyllfa o'r newydd. 

Ond mae'r cyngor wedi penderfynu yn barod na fydd yna chweched dosbarth yn Ysgol Abergwaun ac Ysgol Tyddewi yn y dyfodol.