Edrych yn ôl ar 26 Gorffennaf

Dyna ddiwedd y llif byw am heddiw. Dewch yn ôl aton ni o 08:00 yfory.

Mae'r dringwr Eric Jones o Wynedd yn gwerthu ei gaffi a maes gwersylla yn Nhremadog wedi 37 o flynyddoedd, yn ôl y Daily Post.

Mae Eric yn adnabyddus yn y byd dringo, ac mae ei gaffi wedi dod yn fan cyfarfod i ddringwyr a cherddwyr yn yr ardal.

Wrth ymateb i'r cyhoeddiad na fydd Llywodraeth Cymru yn gwneud cais i gynnal Gemau'r Gymanwlad yn 2026, mae arweinydd y Ceidwadwyr Cymreig wedi dweud ei fod yn benderfyniad "pathetig".

Dywedodd Andrew RT Davies: "Mae hyn yn hynod o siomedig ac mae'n eithaf pathetig fod Llywodraeth Cymru unwaith eto yn ceisio defnyddio Brexit fel esgus i guddio diffyg uchelgais a dychymyg."

BBCCopyright: BBC

Mae'r A468 wedi rhwystro'n rhannol yng Nghaerffili yn dilyn gwrthdrawiad ar gylchfan yr A469.

Mae'r digwyddiad hefyd yn achosi oedi ar yr A470 a'r B4600.

Y rhagolygon gan Llyr Griffiths-Davies: "Heno'r cawodydd yn para, yn bennaf ar draws y gogledd. Noson gymylog.

"Dros nos bydd glaw'n symud dros y wlad o'r gorllewin. Y tymheredd isa'n rhyw 11C."

Am fwy ewch i'r wefan dywydd. 

Mae WalesOnline yn adrodd bod cyn heddwas wnaeth gyfaddef bod â lluniau anweddus o blant yn ei feddiant wedi dweud bod ei ddiddordeb yn y fath ddeunydd wedi dechrau drwy ei waith.

Bydd y Guildhall yng Nghaerfyrddin yn cael ei brynu gan y cyngor sir am £225,000 ar ôl i fwrdd gweithredol yr awdurdod bleidleisio o blaid hynny.

Mae dyfodol yr adeilad wedi bod yn ansicr ers y cyhoeddiad y byddai'r llysoedd barn yn cau ym mis Mai.

BBCCopyright: BBC

Mae'r Eisteddfod yn agosáu, ac mae'n ymddangos bod croeso mawr i ymwelwyr i'r Fenni yn barod.

BBCCopyright: BBC

Mae BBC Sport Wales yn adrodd bod gan Hull City ddiddordeb mewn arwyddo amddiffynnwr Cymru a Reading, Chris Gunter.

Fe wnaeth y chwaraewr 27 oed arwyddo cytundeb gyda Reading ym mis Chwefror, ond mae'r cytundeb yn cynnwys cymal sy'n golygu y bydd yn cael gadael y clwb os fydd clwb arall yn gwneud cynnig o dros £1.2m amdano.

BBCCopyright: BBC

Mae cwest dyn o'r canolbarth fu farw wrth gerdded ym Mheriw, De America, wedi dod i'r casgliad ei fod wedi marw'n ddamweiniol.

Aeth Harry Greaves, o Fronygarth ger Croesoswallt, ar goll yn yr Andes ar 7 Ebrill eleni, ond ni chafwyd hyd i gorff y dyn 29 oed am bythefnos.

BBCCopyright: BBC

Ar ôl dechrau da mae Morgannwg wedi colli wiced yn eu gêm yn y Cwpan Undydd yn erbyn Essex.

"Mae’r artistiaid fydd yn perfformio ym Maes B yn Eisteddfod Genedlaethol Sir Fynwy a’r Cyffiniau 2016 wedi eu cyhoeddi ac, am y tro cyntaf erioed, bydd S4C yn darlledu’r perfformiadau yn y gigs yn fyw ar eu gwefan," medd datganiad gan S4C

"Cwmni teledu Antena o Gaernarfon fydd yn cynhyrchu’r gwasanaeth ar-lein o Maes B ac ymysg y perfformwyr eleni fydd Yws Gwynedd, Candelas, Yr Eira, Mellt, Calfari, Band Pres Llarregub, Y Reu, Fleur De Lys, HMS Morris, Yr Ods a DJ Huw Stephens."

BBCCopyright: BBC

Mae rhestr gemau Cwpan Eingl-Gymreig ar gyfer tymor nesaf wedi eu cyhoeddi. Bydd pedwar rhanbarth Cymru'n herio timau Uwchgynghrair Lloegr mewn cystadleuaeth sy'n cael ei ystyried gan lawer fel cyfle i ddatblygu chwaraewyr ifanc.

BBC SportCopyright: BBC Sport

Mae cabinet Cyngor Sir Gaerfyrddin wedi pleidleisio i gynnal ymgynghoriad ffurfiol ar gynnllun i sefydlu ysgol cyfrwng Cymraeg yn Llangennech drwy uno dwy ysgol dau gyfrwng. Bydd y cyngor llawn wedyn yn cymryd y penderfyniad terfynol.

Bydd 115 o bobl yn colli eu swyddi mewn ffatri gemegion Dow Corning yn Y Barri.

Mae dyn wedi cyfaddef bod â chi peryglus yn ei feddiant ar ôl i ddyn 54 oed gael ei dynnu ar hyd y llawr gan gi yng ngogledd Cymru.

Roedd rhaid i Barry Williams o Fanceinion gael llawdriniaeth ar ôl yr ymosodiad ym Mae Cinmel ger y Rhyl.

Bydd William Robinson, 73 o St Helens, yn cael ei ddedfrydu yn Llys y Goron Caernarfon yn ddiweddarach.

Ger y Trallwng, mae'r A490 wedi'i rhwystro'n rhannol ger Lôn y Felin Wynt.