a gafodd drwydded deledu?

You need one to watch live TV on any channel or device, and BBC programmes on iPlayer. It’s the law.

darganfyddwch fwy
Nid oes gennyf drwydded deledu

Y diweddaraf yn fyw

Mae pob amser yn lleol i'r DU

Cyfrannu

  1. Diolch am ddilyn!

    BBC Cymru Fyw

    Dyna ddiwedd ein llif byw arbennig am y dydd.

    Gallwch weld y diweddaraf am y tywydd a'r trafferthion ar y stori ar ein hafan, ac wrth gwrs gallwch edrych yn ôl ar ein horiel luniau i weld Cymru dan flanced wen.

    Diolch i chi am ddilyn - a cofiwch gadw'n gynnes!

  2. Ysgolion ar gau

    BBC Cymru Fyw

    Mae cadarnhâd bellach y bydd degau o ysgolion ar gau yn siroedd Powys, Wrecsam a Mynwy yfory.

    Yn ôl Cyngor Powys, bydd dim trafnidiaeth o gwbl yn y sir i fynd â disgyblion i'r ysgol, ond bydd rhai ysgolion ar agor i'r rheiny sy'n medru teithio yno'n ddiogel.

    Am fanylion am yr ysgolion hynny sydd ar gau, ewch i wefan eich cyngor lleol:

  3. Trafferthion y traffig

    Teithio BBC Cymru

    Mae hi wedi bod yn ddiwrnod caled ar y ffyrdd, ac mae cwmni INRIX yn dal i adrodd bod:

    • A470 ar gau i'r ddau gyfeiriad yn Storey Arms, Powys;
    • A470 ar gau i'r ddau gyfeiriad ym Mwlch Y Gorddinan yn y gogledd;
    • A44 ar allt Penglais yn Aberystwyth ar gau i'r ddau gyfeiriad;
    • A40 Stryd Fawr Llanymddyfri ar gau i'r ddau gyfeiriad;
    • A4233 rhwng Maerdy ac Aberdâr ar gau i'r ddau gyfeiriad.
    A470
    A470
  4. Yr olygfa o Bengenffordd

    Twitter

    Prin bod 'na unrhyw liw oni bai am wyn yn yr olygfa yma o Bowys...

    View more on twitter
  5. ...ac eraill yn sownd ynddo fo

    BBC Cymru Fyw

    Dafad
    Image caption: Dim cystal hwyl i'r ddafad hon yn Llidiartywaun ger Llanidloes, Powys

    Am fwy o luniau o Gymru dan yr eira, ewch i'n horiel luniau.

  6. Rhai anifeiliaid wrth eu bodd yn yr eira...

    BBC Cymru Fyw

    anifeiliaid
    Image caption: Yr anifeiliad yn joio yn Nhreuddyn ger yr Wyddgrug. Diolch i Megan Roberts am y llun.
  7. Rhybudd am dywydd fory

    Tywydd, BBC Cymru

    Mae rhybudd tywydd newydd mewn grym rhwng 04:00 a 11:00 yfory, gyda disgwyl i rew achosi problemau.

    Yn ôl y Swyddfa Dywydd, mae disgwyl iddi rewi dros nos, allai achosi i bobl syrthio.

    Mae'r rhybudd melyn - sy'n berthnasol i Gymru gyfan - i'w weld yn llawn ar wefan y Swyddfa Dywydd.

    Map
  8. Trafferthion mawr ar y trenau

    Trenau Arriva Cymru

    Mae 'na drafferthion ar y trenau y p'nawn 'ma oherwydd bod rhwystrau ar y cledrau rhwng Casnewydd a'r Fenni.

    Mae'n golygu bod nifer o'r trenau fyddai'n defnyddio'r cledrau hynny wedi cael eu canslo neu eu cwtogi.

    Y diweddara' ar wefan Trenau Arriva Cymru.

  9. Mwy o ysgolion ar gau

    Cyngor Sir Fynwy

    Bellach mae dwy ysgol yn Sir Fynwy wedi cadarnhau na fyddan nhw'n agor yfory - mwy yma ar eu gwefan.

  10. Degau yn sownd mewn coleg preswyl

    BBC Cymru Fyw

    Mae staff yng Ngholeg Elidyr - coleg preswyl i oedolion ag anghenion addysg ychwanegol - yn apelio am gymorth ar ôl iddyn nhw gael eu hynysu gan yr eira.

    Mae 43 o oedolion ynghyd â'r staff yn sownd yn y coleg yn Rhandirmwyn ger Llanymddyfri, Sir Gâr, heb wres na thrydan.

    Dywedodd Carty Fox, pennaeth gofal y coleg, ei bod yn poeni be' fyddai'n digwydd pe bai 'na argyfwng.

  11. Rhybudd llifogydd arall

    Cyfoeth Naturiol Cymru

    Mae 'na un rhybudd llifogydd 'byddwch yn barod' arall mewn grym - a hwnnw ar gyfer Afon Elái yn ardal Caerdydd.

    Am y diweddaraf, ewch i wefan CNC.

  12. 20 o ysgolion ar gau ym Mhowys

    Cyngor Powys

    Mae 'na 20 o ysgolion ym Mhowys bellach wedi cyhoeddi y byddan nhw ar gau yfory.

    Mae'r rheiny'n cynnwys ysgolion uwchradd yn Llanfyllin, Crughywel, Llanidloes a'r Trallwng.

    Y manylion yn llawn ar wefan y cyngor sir.

  13. Cannoedd yn dal heb drydan

    BBC Cymru Fyw

    Yn ôl diweddariad diwethaf cwmni Western Power, tua 1,200 o gartrefi sydd bellach heb drydan yn eu hardal nhw.

    Mae'r diweddaraf ar eu gwefan.

  14. Yr eira'n effeithio ar y canolbarth

    BBC Cymru Fyw

    Mae'r eira wedi effeithio ar nifer o ardaloedd yng nghanolbarth Cymru. Diolch i Haf Evans am anfon y llun yma o'r brif ffordd drwy Llanidloes i ni.

    Llanidloes
    Image caption: Y brif ffordd drwy Llanidloes bore 'ma