BBC Cymru Fyw

Treialon cŵn defaid rhyngwladol 2012 ym Mro Morgannwg

Mae treialon cŵn defaid rhyngwladol 2012 yn cael eu cynnal ym Mro Morgannwg.

Ar dir fferm yn Nhresimwn ger Y Bont-faen mae 15 o'r cŵn gorau o'r rowndiau rhanbarthol yn cystadlu am y bencampwriaeth ddiwedd yr wythnos.

Fe fydd cynrychiolaeth o bob un o wledydd Prydain ac Iwerddon.

Enillydd y brif bencampwriaeth unigol y llynedd oedd Eirian Morgan o ardal Aberystwyth.

Pencampwr tîm Cymru eleni a'r capten ydy Arthur Roberts o Bentrefoelas.

Merfyn Davies aeth ato i'w weld yn ymarfer gyda Chip y ci.