Protest i gofio am Fukushima

Cafodd protest ei chynnal ger Pont Menai gan fudiad PAWB, Pobl Atal Wylfa B, ddydd Llun i nodi dwy flynedd ers tswnami a daeargryn yn Japan, a effeithiodd ar dros 18,000 o bobl.

Mae'r mudiad yn gwrthwynebu codi ail atomfa ar safle Wylfa ar Ynys Môn.

Achosodd y drychineb yn Japan ddifrod difrifol i atomfa niwclear Fukushima wrth i ymbelydredd lifo ohoni.

Bu Aled Hughes yn holi Dylan Morgan o fudiad PAWB ynglŷn â phwrpas y brotest.