Kwiyamamariza kuyobora Gabon byatangiye

Ali Bongo Uwufise ububasha kw’isanamu Getty Images
Image caption Ali Bongo yatowe muri 2009 nyuma y'urupfu rwa se Omar Bongo

Muri Gabon, batangiye ibikorwa byo kwiyamamaza mu matora y'umukuru w'igihugu ateganijwe ku itariki ya 27 z'ukwa munani.

Amahanga yasabye abahatana bose muri ayo matora kwirinda ibikorwa by'urugomo no kutagira uhezwa mu itangazamakuru.

Perezida ucyuye igihe, Ali Bongo, ariyamamariza gukomeza gutegeka Gabon nyuma y'imyaka irindwi amaze ku butegetsi.

Ubwo butegetsi yabugezeho ise - Omar Bongo - amaze kwitaba imana nyuma yo gutegeka igihugu mu gihe cy'imyaka irenga mirongo itatu.

Umukandida ukomeye mu batavuga rumwe na leta, Jean Ping, niwe Ali Bongo agiye guhatana nawe bikomeye.

Jean Ping - umudipolomate akaba n'inararibonye muri politiki - yagize imyanya ikomeye ku butegetsi bwa Omar Bongo.

Uwufise ububasha kw’isanamu Getty Images
Image caption Jean Ping yasezeye mu ishyaka riri ku butegetsi muri 2014

Yasezeye mu ishyaka riri ku butegetsi muri 2014.

Asaba ko abategetsi barushaho gucunga neza ibya leta.

Abanenga leta ya Gabon bavuga ko umutungo w'igihugu uva mu bucuruzi bwa peteroli udasaranganywa neza mu baturage.

Bashinja kandi umuryango wa Bongo ruswa no kuniga demokarasi.