Impozamarira ya miliyoni 3 z'amayero ku byangijwe i Timbuktu

Ahmad al-Faqi al-Mahdi mu rukiko. Uwufise ububasha kw’isanamu EPA
Image caption Ahmad al-Faqi al-Mahdi mu rukiko.

Intagondwa y'umuyisilamu ufungiwe kuba yarangije inyubako za kera i Timbuktu yasabwe n'ubucamanza kwishyura ihazabu y'ibyononekaye ibarirwa hafi kuri miliyoni eshatu z'amafaranga y'amayero.

Ahmad al-Faqi al-Mahdi yakatiwe imyaka icyenda n'urukiko mpuzamahanga mpanabyaha rwa ICC mu kwezi kwa cyenda k'umwaka ushize.

Yiyemereye ko yari ayoboye inyeshyamba zangije inyubako ndangamurage ahantu harinzwe n'umuryango w'abibumbye muri Mali mu mwaka wa 2012.

Uyu mwanzuro mushya w'abacamanza bo mu rukiko mpuzamahanga mpanabyaha ufashwe bamaze kwiga ukuntu abagizweho ingaruka n'icyo gitero bahabwa impozamarira.

Uwufise ububasha kw’isanamu AFP/Getty images
Image caption Iyi ni imwe mu nyabako ya kera yangijwe i Timbuktu muri 2012.

Umucamanza wari uyoboye urubanza - Raul Cano Pangalangan - yavuze ko impozamarira ingana na miliyoi 2.7 z'amayero igomba guhabwa abaturage b'i Timbuktu barinze inyubako ndangamurage zaho.

Kubera ko Mahdi ari muri gereza kandi akaba nta mafaranga afite, amafaranga y'impozamarira azava mu kigega cya ICC kigenera impozamarira abahuye n'amarorerwa yakozwe n'abahamwe n'icyaha.