Igipolisi ca Kenya 'cafashije guhunga abapolisi bakurikiranwa ku biturire'

Igipolisi ca Kenya
Image caption Igipolisi ca Kenya kiri mu nzego zikunze kwagirizwa ibiturire

Umugwi urwanya ibiturire muri Kenya wavuze ko igipolisi cafashije abapolisi babiri bakorana guhunga mu kurasa hejuru ku bandi bapolisi bajejwe kugwanya ibiturire bari babapfunze.

Abo bapolisi babiri basanzwe bakora mu gisata c'inyamiramabi, bafatiwe ku mugwa mukuru Nairobi ku munsi wa gatatu ku mugoroba, mu mukwabu wo kubagerageza aho abasabwe gutohoza babahaye ibihumbi 100 vy'amashilingi (amadolari 975), niko ikigo kijejwe kugwanya ibiturire cavuze.

Abo bapolisi baciye bambikwa amapingu "munyuma batabagwa na bagenzi babo bo ku biro vy'igipolisi c'ahitwa Kabete, barashe amasasu menshi yo kugabisha, abo bapolisi babone gutoroka", niko EACC yabandanije ivuga ku mbuga ya Twitter.

Muri kino gihe abo bapolisi batorotse bariko barahigwa buhongo, niko ico kigo kivuga.

Igipolisi ntaco kiravuga ku vyabaye, ariko abakoresha Twitter baciye batangura gushikiriza ico bavyiyumvirako.

Umwe muribo yavuze ko ivyabaye bisa nivyo abantu bakunze kubona mu masinema y'abakoboyi.

Uwundi nawe ati hasigaye aho gusenga.

Ivyabaye bisa no gusogota icumu umugwi ujejwe kugwanya ibiturire waheruka kuvuga mu kwezi guheze ko ugiye gutangura gukoresha Bibiliya ngo uhanura abanyagihugu bareke kunyonyora umutungo w'igihugu.

Ibindi bisa n’ibi