‘Finals’ z’imikino ya mbere ya Basketball Africa League zizabera i Kigali

Imikino ya nyuma izabera muri iyi nzu y'imikino yuzuye i Kigali Uwufise ububasha kw’isanamu Social Media
Image caption Imikino ya nyuma izabera muri iyi nzu y'imikino yuzuye i Kigali

Ishyirahamwe ry'umukino wa Basketball muri Amerika (NBA) ryatangaje ko umujyi wa Kigali ari wo uzakira imikino ya nyuma y'irushanwa rya Basketball Africa League (BAL) izaba ku nshuro ya mbere

Indi mikino y'iri rushanwa izabera mu mijyi ya Cairo (Misiri), Dakar (Senegal), Lagos (Nigeria), Luanda (Angola), Rabat (Morocco) na Monastir cyangwa Tunis (Tunisia).

Iri rushanwa rigiye gukinwa ku nshuro ya mbere, ryateguwe ku bufatanye bw'abanyafurika bakina, n'abakinnye muri NBA, hamwe n'ishyirahamwe rya Basketball ku isi.

Amakipe 12 y'ahatandukanye muri Afurika niyo azakina iri rushanwa rizatangira mu kwezi kwa gatatu umwaka utaha wa 2020.

NBA ivuga ko umuyobozi wa Basketball Africa League, Amadou Gallo Fall, yatangaje ko iri rushanwa rizaba amateka akomeye kuri Afurika mu mukino wa Basketball.

Amakipe 12 azakina iri rushanwa agabanyije mu bice (conferences) bibiri, amakipe atatu azazamuka muri buri gice azakina ikiciro cyo gushaka ane(4) azakina imikino ya nyuma.

Aya makipe ane niyo azahurira i Kigali mu mpera z'ukwezi kwa gatanu 2020.

Iri rushanwa rya Basketball Africa League ryatangajwe mu mikino ya NBA All-Star 2019 yabereye muri Charlotte, North Carolina muri Amerika mu kwezi ka kabiri uyu mwaka.

Imikino ya nyuma y'iri rushanwa izabera mu nzu y'imikino y'intoki iherutse kuzura i Kigali.

Ibindi bisa n’ibi