Icupa rya whisky ryaciye umuhigo rigurwa miliyoni $1,9

Icupa ryaciye umuhigo Uwufise ububasha kw’isanamu SOTHEBY'S

Icupa rimwe ridasanzwe ry'inzoga ya Scotch whisky ryagurishijwe ku giciro kiruta ibindi ku isi cya miliyoni $1,9 muri cyamunara i Londres.

Iyi whisky yo mu bwoko bwa Macallan 1926 ni icupa rimaze imyaka 60 ryabitswe neza, byari biteganyijwe ko rigurwa ku giciro kiri hagati ya $450,000 na $570,000.

Abakoresheje iyi cyamunara ntabwo batangaje umwirondoro w'umukire waguze iyi nzoga.

Umuhigo wari usanzweho w'icupa rimwe rya whisky ryaguzwe menshi ni iryaguzwe miliyoni $1,5 mu mwaka ushize.

Naryo ryagurishijwe na kompanyi ya Sotheby's ari nayo yagurishije iri.

Iyi kompanyi ivuga ko iri cupa rya Macallan 1926 inzoga irimo ari the "whisky ntagatifu".

Iyi nzoga ngo yakoranywe n'izindi ari amacupa 40 gusa.

Bikekwa ko iri ryonyine ari ryo ryarokotse abanywi.

Muri cyamunara ya whisky zo hambere Sotheby's yakoresheje harimo amacupa 467 yose hamwe yaguzwe akayabo ka miliyoni hafi 10 z'amadorari ya Amerika.

Jonny Fowle, umuhanga mu nzoga zikaze wa Sotheby's avuga ko : "Iki ari igihamya gikomeye cy'uburyo izi ari inzoga z'imihama nziza kurusha izindi bari bafite".

Ati: "Byari bishimishije kubona amacupa anyuranye y'izi nzoga aca umuhingo, tugomba kubaha abenzi b'icyo gihe ba Bowmore, Brora, Springbank na cyane The Macallan".

Ibindi bisa n’ibi