Tour du Rwanda: Restrepo Valencia wa Colombia niwe watsinze agace ka gatatu

Restrepo Valencia yakoresheje amasaha 3 iminota 47 n' amasegonda 39 Uwufise ububasha kw’isanamu BBC GAHUZA
Image caption Restrepo Valencia yakoresheje amasaha 3 iminota 47 n' amasegonda 39

Restrepo Valencia wo mu gihugu cya Colombia niwe watsinze agace ka gatatu k'irushanwa mpuzamahanga ryo gusiganwa ku magare rya Tour du Rwanda.

Valencia asanzwe akinira ikipe ya Androni Giocattoli yo muri Colombia.

Agace ka 3 kari hafite uburebure bureshya na kilometero 142 ku muhanda uva mu mujyi wa Huye mu majyepfo y'u Rwanda ukagera i Rusizi mu burengerazuba.

Restrepo Valencia yakoresheje amasaha 3 iminota 47 n' amasegonda 39 , akaba yarushije isegonda imwe gusa umunya Eritrea Hailu Biniam ukinira ikipe ya Nippo Delko Provence yo mu Bufaransa.

Rino higanwa rya uno mwaka ntiryoroheye Abanyarwanda.

Umunyarwanda waje hafi uno munsi ni Areruya Joseph ari ku mwanya wa 13, uwa mbere amurusha umunota 1 n'amasegonda 38

Uwufise ububasha kw’isanamu BBC GAHUZA
Image caption Hailu Biniam n'ubwo yabaye uwa kabiri yahise yegukana umwanya wa mbere kurutonde rwa rusange

Hailu Biniam n'ubwo yabaye uwa kabiri yahise yegukana umwanya wa mbere kurutonde rwa rusange, anambikwa umupira w'umuhondo uranga umukinnyi uyoboye isiganwa, kuko kugeza ubu niwe umaze gukoresha ibihe byiza kuva isiganwa ryatangira.

Muri rusange ararusha uwa kabiri nawe w'umunya Eritrea Mulueberhan Henok, hagati yabo harimo ikinyuranyo cy'amasegonda 5.

Uwufise ububasha kw’isanamu BBC GAHUZA
Image caption Tour du Rwanda yatangiye gukinwa mu 1988, yabaye mpuzamahanga kuva mu 2009, aho yashyizwe ku cyiciro cya 2.2 kugeza mu 2018

Ku munsi w'ejo abasiganwa bazahaguruka mu mujyi wa Rusizi berekeza mu mujyi wa Rubavu, bakazakora urugendo rwa kilometero 204 ari narwo rurerure cyane muri iri siganwa.

Ibindi bisa n’ibi