Amakuru kuri Coronavirus: Umukecuru w’imyaka 97 yayikize, Afurika ibihugu 8 ntirahagera

corona

Kaminuza y'ubushakshatsi mu buvuzi yo muri Amerika, Johns Hopkins University, yatangaje ko umubare w'abantu bishwe na Covid-19 muri iki gihugu warenze 1,000 ubu ukaba ugeze ku 1,050.

Abamaze kwandura iyi ndwara muri leta zunze ubumwe za Amerika bamaze kurenga 69,000.

=====

Iyi ni inkuru nziza muri iki gihe abantu batewe ubwoba n'ikwirakwira ryihuse ry'iyi virus.

Umukecuru wo muri Koreya y'Epfo ufite imyaka 97 yabaye undi muntu ukuze cyane ku isi wakize iyi virus nk'uko bitangazwa n'ibiro ntaramakuur Yonhap.

Nta makuru arambuye yatangajwe kuri we, gusa nubwo ari we mukuru cyane hari n'abandi bashaje umubiri wabo wabashije kunesha iyi virus.

Mu ntangiriro z'ukwezi kwa gatatu, ibiro ntaramakuru bya leta y'Ubushinwa byatangaje ko hari umusaza w'imyaka 100 wakize iyi ndwara. Xinua yavuze ko ariwe muntu ushaje cyane ku isi wayikize.

====

Muri Afurika ibihugu umunani nibyo bitaragerwaho n'iyi virus.

Kugeza ubu abantu barenga 2,700 bo mu bihugu 46 bya Afurika bamaze kuyandura, muri bo 211 barayikize naho 73 imaze kubica.

Kuri uyu mugabane hari ibihugu umunani(8) iyi ndwara itarageramo.

Ibyo ni;

  • Burundi
  • Botswana
  • Ibirwa bya Comores
  • Lesotho
  • Malawi (yamaze gutangaza ibihe bidasanzwe nubwo itarahagera)
  • Sudani y'Epfo
  • Sierra Leone (nayo yamaze gutangaza ibihe bidasanzwe
  • Sao Tome na Principe

Ku isi yose, abamaze kwandura iyi virus bamaze kurenga 470,000. Abamaze kuyikira barenga 114,000 naho abo yishe barenze 21,000.

====

Uwufise ububasha kw’isanamu AFP / Getty
Image caption Washington DC ubu isa n'aho nta bantu bayigendamo

Ibihugu bizahajwe cyane n'iyi ndwara ku isi ubu ni;

Ubushinwa (abanduye 81,667, abapfuye 3,285, abakize 73,775)

Ubutaliyani (abanduye 74,386 abapfuye 7,503, abakize 9,362)

Leta zunze ubumwe za Amerika (abanduye 66,132, abapfuye 1,031, abakize 616)

Espanye (abanduye 49,515, abapfuye 3,647, abakize 5,367)

Ubudage (abanduye 37,323, abapfuye 206, abakize 3,547)

Irani (abanduye 27,017, abapfuye 2,077, abakize 9,625)

Ubufaransa (abanduye 25,600, abapfuye 1,333, abakize 3,907)

Ibindi bisa n’ibi