Zimbabwe: Abana barashonje
Ahavuye isanamu, AP
Imvura yarabuze muri Zimbabwe
Ishami ry'umuryango w'abibumbye rishinzwe uburezi n'abana- UNICEF- rirasaba inkunga y'amadolari miliyoni 21 yo gufasha abana barenga ibihumbi 30 barwaye indwara ziterwa no kubura indyo yuzuye.
UNICEF yavuze ko kubera ko hashize imyaka 2 muri Zimbabwe harabuze imvura, muri icyo gihugu hari ikibazo cyo kubura ibiribwa kitari cyaboneka mu myaka 15 ishize.
UNICEF yavuze ko imiryango irenga kimwe cya gatatu cy'abaturage ba Zimbabwe yugarijwe n'inzara.
Abana benshi bari munsi y'imyaka 5 nibo bamerewe nabi cyane ku buryo hakenewe inkunga yihutirwa y'amahanga.
