Urubanza rwa Savchenko: Urukiko mu Burusiya rwatanze umwanzuro ku mupiloti wo muri Ukraine

Umucamanaza w'Umurusiya yatangiye gusoma imyanzuro y'urubanza rwa Nadia Savchenko, umupiloti wo muri Ukraine uregwa gufasha mu kwica abanyamakuru babiri b'Abarusiya.

Ashinjwa kuyobora imodoka yarashe abanyamakuru babiri aho bari bari bagapfa.

Mbere byari byatekerejwe ko umucamanza yamuhamije icyaha, ariko abanyamakuru baravuga ko umwanzuro wa nyuma utaratangwa.

Ukraine na bimwe mu bihugu byo mu Burayi byanenze uru rubanza bivuga ko ari urw'urwitazo.

Abanyamakuru babiri ba televiziyo ya leta mu Burusiya Igor Kornelyuk na Anton Voloshin bishwe n'igifaru mu kwezi kwa Gatandatu 2014, mu gihe cy'ubushyamirane bukomeye hagati y'ingabo za Ukraine ndetse n'inyeshyamba zishyigikiye Uburusiya.

Kuri uwo munsi, Madamu Savchenko w'imyaka 34, yatawe muri yombi n'inyeshyamba.

Madamu Savchenko, umupilote by'umwuga, aregwa gukora nk'umuyobozi w'ikimodoka cyishe abanyamakuru.

Ahakana ibirego. Umwunganizi we mu mategeko yasabye ko ibiganiro bya telefoni byakozwe byerekana ko yafashwe mbere y'igitero.

Madamu Savchenko yari yageze ahabereye igitero iminsi micye mbere yo kwiyunga kuri batayo y'abakorerabushake,ya Aidar, ishyigikiye guverinoma ya Ukraine.

Abanyamategeko be bavuga ko yafashwe n'abarwanyi b'inyeshyamba mu gitondo cyo ku wa 17/06 igihe yageragezaga kujya aharwanbiraga abarwanyi bva Aidar bari bakomerekeye mu mirwano.

Madamu Savchenko avuga ko abamufashe bamujyanye mu Burusiya ariko abashinjacyaha bavuga ko ari we wijyanye mu Burusiya ku buryo bw'ibanga.