Bamwe mu bagabye ibitero by'i Buruseli bamenyekanye

Khalid na Ibrahim el Bakraoui bava indimwe. Uwufise ububasha kw’isanamu Reuters
Image caption Khalid na Ibrahim el Bakraoui bava indimwe.

Abashinjacyaha bo mu Bubirigi baravuga ko bamenye abiyahuzi babiri muri bane bagabye ibitero by'iterabwoba i Buruserli kuwa kabiri.

Bavuze ko batarashobora kwemeza umwirondoro w'abandi babiri.

Bavuze kandi ko umwe muri abo biyahuzi yarokotse kandi ko atarafatwa.

Abo babiri bamenyekanye bafite ubwenegihugu bw'Ububirigi.

Ni Khalid na Ibrahim el Bakraoui bava inda imwe.

Ibinyamakuru byo mu Bubirigi byatangaje ko umwiyahuzi wa gatatu ari Najim Laachraoui, ariko abategetsi ntabwo bari babyemeza.

Najim Laachraoui bivugwa ko yagize uruhare mu bitero by'iterabwoba by'i Paris mu mwaka ushize.

Abategetsi baravuga ko ibitero by'iterabwoba byagabwe ku kibuga k'indege n'ahantu abagenzi bategera gari ya moshi mu mujyi wa Buruseli byahitanye abantu bagera kuri 32.