Itsinda ry'i Buruseli 'ryateguraga gutera Ubufaransa'

Images of suspect Mohamed Abrini Uwufise ububasha kw’isanamu Belgian police
Image caption Abrini yafashwe amafoto n'ibyuma bifata amashusho bya CCTV (iburyo) kuri sitasiyo ya lisansi mu majyaruguru y'Ubufaransa igihe yari atwaye imbodoka ari kumwe na Salah Abdeslam

Abashinjacyaha mu Bubiligi baravuga ko umwiyahuzi ukekwaho kugira uruhare mu bitero by'i Buruseli warokotse yemeye ko itsinda ryateguraga ikindi gitero mu Bufaransa.

Mohamed Abrini yavuze ko umutwe bakoranaga wari wafashe icyemezo cyo kugaba ibitero i Buruseli nyuma y'ifatwa rya mugenzi wabo Salah Abdeslam.

Biranavugwa ko ashobora no kuba yemeye kuba umwiyahuzi wa bombe ya gatatu yo mu gitero cyo ku kibuga cy'indege, agahunga mbere yo kuyituritsa.

Ibitero by'imbunda ndetse na bombe byagabwe i Paris mu Bufaransa byishe abantu 130.

Abandi 32 biciwe i Buruseli mu bitero byagabwe ku kibuga cy'indege no kuri sitasiyo ya gari ya moshi ku itariki ya 22 z'ukwezi kwa Gatatu.

Ibitero byombi byigambwe n'umutwe wa Islamic State ukorera muri Siriya no muri Iraki.

Ibikapu bya siporo.

Amafoto yafotowe n'abantu avugwa ko ari ay'itabwa muri yombi rya Abrini yerekana umugabo ari gushyirwa mu modoka ahitiwe Albert mu nkengero za Buruseli i Anderlecht.

Kugeza ubu, Abrihini ntiyari yarigeze gukekwaho uruhare mu bitero by'i Paris ku buryo butaziguye.

Abashinjacyaha mu Bubiligi bahaye ikiganiro abanyamakuru bemeza ko itabwa muri yombi rya Abrini kimwe n'iry'abandi babiri bacyekwa, amazina yabo atatangajwe.

Abashinjacyaha bavuga ko utumenyetso ndangamasano bita DNA twa Abrini twagaragaye mu nzu yari yihishemo mu karere ka Schaarbeek i Buruseli, ndetse no mu modoka yakorehejwe mu bitero by'i Paris.

Ku wa Kane, abategetsi basohoye andi mashusho y''umugabo wambaye ingofero', basaba rubanda gufasha kumuta muri yombi.

Uyu mugabo ugaragara mu mashusho yabonetse ari iruhande rw'abiyahuzi ba bombe babiri ku kibuga cy'indege i Buruseli. Yavuye ahabereye ibitero mbere gato y'uko biturika.

Mu buryo butandukanye, Osama K, undi mugabo wiswe Herve BM, batawe muri yombi ku wa Gatanu mu gitondo i Buruseli.

Osama K yatahuwe n'itangazamakuru ryo mu Bubiligi nk'umwenegihugu wa Suwedi Osama Krayem.

Uwufise ububasha kw’isanamu Reuters
Image caption Bwana Justin Blake n'umugore we Stephanie Shults Moore bari bamaze igihe baba mu Bubiligi

Abashinjacyaha bavuga ko yafashije Khalid el-Bakraoui mu bwiyahuzi bwa bombe kuri sitasiyo ya gari ya moshi ya Maelbeek, ndets agafasha no kugura imodoka, mu iduka ryo mu Bubiligi, ibikapu bya siporo byakoreshejwe mu gihisha amabombe ku kibuga cy'indege no kuri sitasiyo ya gari ya moshi.

Akekwa kuba yarakoresheje urupapuro rw'inzira (pasiporo) rw'uruhimbano rwa Siriya ku izina rya Naim Al Ahmed akajya muri Siriya mu kwezi kwa Cyenda, yinjira mu Bugereki akoresheje ubwato bwatwaraga abimukira.

Uwufise ububasha kw’isanamu AP
Image caption Bwana Justin Blake Shults n'umugore we Stephanie Michele Moore Shults bashyinguwe bari kumwe ku wa Gatanu i Kentucky

Abashinjacyasha bakeka ko yinjiye mu Bubiligi ku itariki 03/10 nyuma yo gutwarwa mu modoka na Salah Abdeslam, amuvanye mu mujyi wa Ulm mu Budage bakoresheje imodoka bakodesheje.