Otrishe 'irateganya gugatira' inzu Hitler yavukiyemo

Guverinoma ya Otrishe (Austria) iravuga ko iteganya gufata inzu Adolf Hitler yavukiyemo kugira ngo ntibe izingiro ry'abafite amahame y'aba Nazi.

Abategetsi bavuga ko icyemezo cyafashwe nyuma y'imyaka myinshi bakiganiraho mu kuburizamo aba Nazi bashya.

Hitler yavukiye mu nzu iri mu mujyi wa Braunau am Inn mu kwezi kwa Kane, 1889.

Guverinoma yari yarakodeheje inyubako mu maboko ya nyirayo kuva mu 1972, kandi yari imaze imyaka myinshi ikoreshwa nk'ikigo cy'abafite ubumuga.

Ariko yaje gukurwamo abantu mu mwaka wa 2011 nyuma y'intonganya hagati ya guverinoma na nyirayo, Gerlinde Pommer, wanze gutanga uruhushya rwo kuyivugurura.

Umuvugizi wa minisiteri y'Ubutegetsi, Karl-Heinz Grundboeck, yabwiye ibiro ntaramakuru AFP ko umugambi mushya wo gufatira inzu urateganya inyushyu kuri nyirayo.

"Ubu turi gusuzuma ishyiraho ry'itegeko, ryatuma habaho ihinduka kuri ny'iri nzu igahabwa Repubulika ya Otrishe. Nyuma y'imyaka myinshi, twafashe umwanzuro ko kuyihindurira nyirayo ari bwo buryo bwonyine bwo gukumira ko ikoreshwa n'abashyigikiye aba Nazi."

Ntiyegeze avuga icyo guverinoma izakoresha inyubako.

Inzu yakuweho ibimenyetso igisigayeho gusa ni ibuye riri hanze ryanditseho amagambo agira ati: "Nta buhezanguni ukundi. Mu kwibuka miliyoni z'abantu bapfuye." Izina rya Hitler ntirigaragaraho.

Hari ibitecyerezo byinshi bimaze igihe bitangwa by'uburyo inyubako yakoreshwa, birimo no kuyihinduramo ibyumba, ikigo cyigisha abantu bakuze, inzu ndangamateka cyangwa ikigo kigamije kurwanya amateka y'aba Nazi.

Hari n'abasabye ko yasenyurwa, umudepite wo mu Burusiya yasabye kuyigura akayitwika.

Hitler yategetse Ubudage mu gihe cy'Aba Nazi kuva mu 1933 kugeza apfuye mu mpera z'Intambara ya Kabiri y'Isi mu 1945.

Ubutegetsi bw'aba Nazi, bwabaye gashozantambara y'isi igihe bwateraha muri Polonye mu 1939, bwishe miliyoni z'abantu, biganjemo Abayahudi mu gihe cya jenoside yiswe 'Holocaust.'