Kyushu: Ubutabazi inyuma ya nyamugigima

Abajejwe ibikorwa vy'ubutabazi ntiborohewe mu Buyapani, inyuma ya nyamugigima zibiri ziherutse kwikwirikiranya guca mw'izinga rya Kyushu.

Abantu batari munsi 29 nibo bamaze kumenyakana ko bapfuye -bahitanywe n'izo nyamugigima zarimwo iyifise umurindi wa 7.3.

Abandi benshi bashobora kuba bakizibiranirijwe mu bihomoka vy'amazu yasenyutse.

Amabarabara n'ibiraro vyarasenyutse, bigatuma abari kure mu misozi bakeneye gutabarwa bashikirwa bigoranye.

Igisirikare naco catumweko kuja gufasha, umushikiranganji wa mbere Shinzo Abe, yasibije urugendo yateganya muri Kyushu, avuga ko uno munsi bitaza kworoha gukomeza ibikorwa vyo gutabara kubera ikirere kibi.

Imiyaga n'imvura vyitezwe bishobora gutuma imisozi ibomoka (inkangu).