IS iravuga ko iherutse gutera muri Somalia

Abarwanyi b'umutwe wiyita Leta ya Kiyisilamu muri Syria Uwufise ububasha kw’isanamu AP
Image caption Abarwanyi b'umutwe wiyita Leta ya Kiyisilamu muri Syria

Umutwe wiyita Leta ya Kiyislamu, IS, wavuze - ku nshuro ya mbere - ko uri inyuma y'igitero cyagabwe muri Somalia, igihugu umutwe wa Al Shabaab ukorana na Al-Qaeda umaze igihe kinini warashinzemo imizi.

IS ivuga ko abarwanyi bayo bibasiye ingabo z'Umuryango w'ubumwe bwa Afurika mu gitero cy'igisasu cyagabwe mu murwa mukuru, Mogadishu.

Ntabwo ariko ivuga igihe icyo gitero cyabereye cyangwa se niba hari abantu cyahitanye.

Iri tangazo rije nyuma yaho leta ya Somalia itangarije ko yataye muri yombi umwe mu bayobozi b'ingabo b'umutwe wa IS wavuye muri al Shabaab.

Umutwe wiyita Leta ya Kiyislamu umaze igihe kirenga umwaka ugerageza kwiyegereza intagondwa zo muri Somalia kugirango urebe uko wakandagiza ikirenge muri Afurika y'uburasirazuba.