ONU iramagana ubwicanyi bwibasira abategetsi mu Burundi

Mu kanama ka ONU gakurikirana ibibazo by'uburenganzira bw'ikiremwamuntu Uwufise ububasha kw’isanamu AFP
Image caption Mu kanama ka ONU gakurikirana ibibazo by'uburenganzira bw'ikiremwamuntu

Akanama ka ONU kita ku burenganzira bwa kiremwa muntu karavuga ko gahangayikishijwe n'ikigero cy'ubwicanyi bwibasira abategetsi n'abari mu nzego z'umutekano bumaze igihe bugaragara mu Burundi.

Cecile Pouilly, umuvugizi w'ako kanama, yabwiye BBC ko ibyinshi muri ibyo bitero bikorwa n'abantu batazwi.

Yongeyeho ko muri rusange abantu barenga 30 bamaze kwicwa muri kuno kwezi kwa kane; mu gihe mu kwezi gushize hishwe abagera ku 9.

Ibiheruka ni iyicwa rya General de Brigade Kararuza kuwa mbere, mu gihe ministri ushinzwe uburenganzira bwa kiremwa muntu we yarusimbutse ku cyumweru igihe yagabwagaho igitero.

ONU irasaba ko ibyo bitero byakorwaho iperereza abibikozwe bakagezwa imbere y'ubucamanza.

Umuvugizi w'akanama ka ONU kita ku burenganzira bw'ikiremwamuntu, yavuze kandi ko kuva mu kwa 12 igihe habaga ibitero ku makambi ya gisirikare, hakaba imikwabu ikomeye, yakurikiwe n'amakuru y'ibikorwabvy'ihohotera ry'agateka ka kiremwa muntu, ibintu byahise birushaho kuba nabi kandi ngo bishobora kugira ingaruka ku karere kose.

Avuga ko afite ikizere ko ibiganiro biteganijwe gutangira mu cyumweru gitaha i Arusha impande zose zirebwa n'ikibazo cyo mu Burundi zizabyitabira.