Polisi muri Kenya yataye muri yombi ny'ir'inzu yahirimye i Nairobi

Itsinda ry'urubyiruko muri Kenya riri gufasha gukura amabuye aho inzu yahanukiye i Nairobi, muri Kenya, ku wa Gatandatu, ku ya 30/05/2016 Uwufise ububasha kw’isanamu AP
Image caption Inzu yahirimye nyuma y'imvura ikaze

Ny'iri inyubako yahirimye mu murwa mukuru wa Kenya, Nairobi, ku wa Gatanu, ikica abantu bagera kuri 21, yatawe muri yombi, nk'uko polisi yabibwiye BBC.

Polisi yongeyeho ko Samuel Karanja Kamau azajya mu rukiko ku wa Kabiri.

Mbere abategetsi bari bavuze ko atari afite uruhushya rwo gucumbikira abantu mu byumba 119 mu nyubako ifite amagorofa atandatu. Bwana Kamau nta kintu aravuga kuri ibi birego.

Birakekwa ko abantu barenga 90 baburiwe irengero kandi bashobora kuba bari mu bisigazwa by'inyubakwa, nk'uko umunyamakuru wa BBC Abdinoor Aden uri ahabereye impanuka abivuga.

Yongeraho ko imirimo yo gutabara abagizweho ingaruka ikomeje.

Ibinyamakuru byo muri Kenya biravuga ko kugeza ubu abantu bagera ku 135 bamaze gutabarwa bakurwa mu nzu yahirimye. guverinei wa Nairobi, Evans Kidero, yavuze ko abategetsi bemeye ko iyi nzu yubakwa mu gace gakennye ka Huruma, bazirukanwa ku kazi.

Uwufise ububasha kw’isanamu AFP
Image caption Umuryango utabara imbabare wa Croix Rouge wavuze ko ibikorwa by'ubutabazi byarimo akavuyo
Image caption Uduhanda dufunganye turi mu gace kabereyemo impanuka twatumye ibikorwa by'ubutabazi bikerererwa

Iminsi itatu y'imvura ikaze yateye ubutaka kuriduka n'imyuzure yatumye imihanda irengerwa muri Nairobi.

Umuryango utabara imbabare, Croix Rouge, muri Kenya wavuze ko amazu arenga 800 yagizweho ingaruka n'uyu mwuzure.

Wanenze "ibikorwa by'akavuyo" igihe abatabazi bazaga ahabereye impanuka ku wa Gatanu.

Umuyobozi wa Polisi i Nairobi, yavuze ko amatsinda y'ubutabazi byakererejwe mu gihe cy'amasaha kubera umubyigano w'ibinyabiziga mu muhanda.

Ibinyamakuru byo mu gihugu byavuze ko Humura, agace kagizwe n'uduhanda dufunganye, twatumye ibikorwa by'ubutabazi birushaho gukomerera abatabazi kugera ahabereye impanuka.