impirimbanyi yo muri Pakistani Khurram Zaki yiciwe i Karachi

Abavandimwe ba Khurram Zaki batwaye isanduku irimo umurambo we bagiye kumushyingura Uwufise ububasha kw’isanamu Reuters
Image caption Bagenzi ba Bwana Zaki bavuze ko urupfu rwe ari urundi rwibutso rubabaje rw'ubugome bw'aba Talibani

Umunyamakuru ukomeye cyane akaba n'impirimbanyi y'uburenganzira bwa kiremwamuntu, Khurram Zaki, yishwe arasiwe i Karachi.

Amakuru aravuga ko Bwana Zaki yari ari muri resitora iri mu majyaruguru y'umujyi igihe abakekwa kuba bamurashe barekuraga urusoro bari ku mapikipiki.

Yari umwanditsi mukuru w'urubuga rw'amakuru 'Let us Build Pakistan', ugenekereje bisa no kuvuga ngo 'Reka Twubake Pakistan' rurwanya amacakubiria ashingiye ku madini kandi yabonwaga nk'umuntu uteza imbere ibijyanye na demokarasi ndetse no gutera imbere.

Umuvugizi w'umutwe w'aba Talibani muri pakistani wigambye kuba inyuma y'iki gitero.

Yavuze ko bamwishe kubera ko amaze igihe yamagana umwigisha mu musigiti uri Islamabad.

Bwana Zaki n'abandi bamagana ibitekerezo by'ubuhezanguni bari baratanze ikirego mu rukiko barega Abdul Aziz ibirego bishingiye ku guhembera urwango n'urugomo rukorerwa ba nyamuke b'aba Shia.

Byatewe n'uko uwo mwigisha atamaganye igitero cyagabwe ku ishuri rya Peshawar muri 2014 igihe abantu 152 bapfaga, abenshi biganjemo abana b'abanyeshuri,

Uwufise ububasha kw’isanamu AFP

Umusigiti witwa 'Red Mosque' [Umusigiti Utukura] uri Islamabad

  • Washinzwe na se wa Abdul Aziz mu 1965
  • Ikicaro cy'Abayisilamu bagendera ku murongo ukarishye muri Islamu kuva mu myaka ya za 1990
  • Ugendererwa n'abanyeshuri bo mu ntara y'amajyaruguru y'Uburengerazuba ndeste n'abantu baturuka mu bwoko bwo muri ako gace aho imitwe y'abarwanyi igwiriye.
  • Abantu barenga 100 barishwe igihe polisi yagabaga ibitero ku musigiti mu mwaka wa 2007 ishaka kwirukana abarwanyi bari bafite intwaro bacumbitseyo
  • Inzu y'isomero yitiriwe izina rya Osama Bin Laden
  • Amashusho yerekana abagore b'abanyeshuri bari mu ishuri bashimagiza umutwe wa Islamic State