Kweguza Rousseff 'byateshejwe agaciro'impeachment

Perezida wa Brezil Dilma Rousseff Uwufise ububasha kw’isanamu AFP
Image caption Igihe yagiraga icyo avuga kuri aya makuru, perezida Rousseff yasabye abamushyigikiye kwitwararika

Igikorwa cyo gushaka kweguza perezida wa Brezil, Dilma Rousseff, cyajemo urujijo.

Umukuru w'inteko ishinga amategeko uri kuri uyu mwanya by'agateganyo, Waldir Maranhao, yatesheje agaciro itora ryo ku itariki ya 17 z'ukwezi kwa Kane ryemeye ko inzira y'ibikorwa byo kweguza perezida Rousseff ikomereza muri sena.

Byari biteganyijwe ko ku wa Gatatu sena ikora itora ryo kureba niba perezida yakweguzwa.

Ntibisobanutse niba ubu iryo tora rizaba.

Ariko perezida wa komisiyo yo muri sena ishinzwe ibijyanye n'iki gikorwa cyo gukura perezida ku butegetsi yavuze ko iri tora rizaba nk'uko biteganyijwe.

Mu cyemezo cye, Bwana Mananhao yavuze ko mu nteko ishinga amategeko hagaragaye ibintu bitanyuze mu mategeko, byatumye abayigize batora ku bwiganze busaba ko perezida Rousseff yeguzwa.

Yavuze ko abagize inteko ishinga amategeko batagombaga kugaragaza aho bahagaze kuri iyi ngingo, mbere yo gutora, kandi ko bitari biboneye kuba abayobozi b'ishyaka barabwiye abanyamuryango uko batora.

Bwana Maranhao yasabye ko haba irindi tora mu nteko ishinga amategeko, ariko ntibisobanutse niba sena izemera gusubiza ibi bikorwa mu nteko ishinga amategeko. Ntibinasobanutse neza niba icyemezo cya Bwana Maranhao gishobora kuvuguruzwa.

Uwufise ububasha kw’isanamu Getty Images
Uwufise ububasha kw’isanamu AP
Image caption Michel Temer, visi perezida, niwe wajya ku butegetsi mu gihe cy'inzibacyuho, perezida Rousseff aramutse yegujwe

Madamu Rousseff aramutse yegujwe, icyo gihe ni Bwana Temer, usanzwe ari visi perezida, wahita ajya ku butegetsi mu gihe cy'inzibacyuho.