Rwanda: Imishahara ituma abaganga bacika reta

Umushikiranganji w'amagara y'abantu mu Rwanda, Dr Agnes Binagwaho avuga ko abaganga baheba akazi ka reta bakaja gukora ahandi kubera ikibazo c'imishahara.

Ministeri y'ubuzima iravuga ko yatangiye gutekereza uburyo bwo gushishikariza abaganga kuguma mu bitaro bya Leta mu gihe bamwe batangiye kubivamo bigira mu byigenga .

Hari na bamwe bahitamo kujya mu yindi myuga itandukanye n'ubuvuzi bagiye kubera gushaka aho babona inyungu zisumbuye.

Ministeri y'ubuzima ikavuga ko idafite ubushobozi bwo kubuza abaganga kujya aho bifuza mu gihe bubahirije amasezerano bagiranye na Leta ubwo yabishyuriraga amashuri.

Ministri w'ubuzima Dr Agnes Binagwaho yemera ko hari umubare utari muto w'abaganga bava mu bitaro bya Leta bakigira mu mavuriro y'abigenga .

Ministeri y'abakozi ivuga ko umuganga w'abyigiye ugitangira ahabwa amafranga ibihumbi 300 Y'u Rwanda ,ubona menshi akaba ashobora kugeza mu bihumbi 900 ku kwezi.

Uyu mushahara ariko ngo ni mutoya cyane ugereranije n'utangwa mu mavuriro yigenga aho umuganga ashobora gukuba inshuro zigera kuri 3 umushahara ahabwa iyo akorera Leta .

Ministeri y'ubuzima ivuga ko umuganga wishyuriwe na Leta ategekwa kuguma mu mavururiro ya Leta akarangiza nibura imyaka 3 iyo ari umuganga usanzwe .

Na ho muganga w'inzobere warihiwe amashuri na Leta we akaba asabwa kumara nibura imyaka 4 atahavuye .

Cyakora avuga ko Ministeri imaze gushyikiriza Guvernoma umushinga wo kongerera aba baganga umushahara kugira ngo bemere kuguma mu bitaro bya Leta .

Ikindi ngo harateganywa no kubagabanyiriza amasaha y'akazi kugira ngo babe bakorera Leta ndetse banemererwe kuba bakorera amavuriro yigenga mu gihe kimwe .