Igipolisi carashe abanyeshure bari mu myiyerekano
Ahavuye isanamu, Reuters
Abapolisi bategereye abanyeshure bagisohoka kw'ishure ku mugwa mukuru wa Port Moresby
Igipolisi carashe abanyeshure bari mu myiyerekano mu gihugu ca Papouasie Nouvelle Guinee, bariko bariyamiriza umushikiranganji wa mbere Peter O'Neill.
Abanyeshure benshi bakomeretse, abatavuga rumwe n'ubutegetsi bakavuga ko hariho bane bitavye Imana, ariko nta bantu ata ho begamiye baravyemeza.
Ahavuye isanamu, EPA
Umushikiranganji wa mbere Peter O'Neill yahakanye gutanga imihoho
Abo banyeshure bari mu myiyerekano bava kw'ishure yabo iri ku mugwa mukuru wa Port Moresby, bagana inama nshingamateka aho O'Neill ashobora gusabwa gutanga imihoho n'abashingamateka.
Basaba yova ku butegetsi kugira abazwe ivyerekeye igiturire yagirizwa.
Ahavuye isanamu, AFP
Ibirato vy'abanyeshure bashwiragiye birunze imbere y'ishure
O'Neill, afise abashingamateka benshi mu nama nshingamateka, yagumye avuga ko ata kintu na kimwe yakoze kibi kandi akaba yaranse gutanga imihoho.
Inama nshingamateka ikaba yungururije ibikorwa vyayo mu kwezi kw'umunani.
