Morsi yakatiwe gufungwa burundu

Mohammed Morsi
Insiguro y'isanamu,

Kuva yahirikwa ku butegetsi, Mohammed Morsi yarezwe mu manza nyinshi.

Urukiko rwo mu Misiri rwakatiye igihano cya burundu, Mohammed Morsi wigeze kuyobora icyo gihugu, nyuma yo kumuhamya icyaha cy'ubutasi.

Aregwana n'abandi bantu bahamijwe icyaha cyo guha amabanga ya leta igihugu cya Qatar.

Barimo abanyamakuru babiri ba Al Jazeera bakatiwe igihano cy'urupfu batari mu gihugu.

Mohammed Morsi yarezwe mu manza nyinshi nyuma yaho ubutegetsi bwe buhirikiwe n'igisirikare muri 2013.

Bimwe mu bihano yahawe mbere harimo icy'urupfu n'icyo gufungwa burundu.

Ashobora kujuririra igihano yahawe uyu munsi.

Iki gihano kandi agihawe mu gihe imiryango mpuzamahanga iharanira uburenganzira bw'ikiremwamuntu inenga cyane imikorere y'ubutabera mu Misiri.