Abahunze Fallujah ngo babayeho nabi

Imiryango ifasha abari muri kaga ikorera muri Iraq iravuga ko ubuzima bw'abaturage b'abasivili bushobora kubangamirwa cyane nyuma yaho abasivili benshi bahungiye umujyi wa Fallujah icyarimwe.

Mu minsi mike ishize abantu hafi ibihumbi 30 bahunze imirwano mu gihe ingabo za leta zatangiraga kwirukana abarwanyi b'umutwe wiyita Leta ya Kiyisilamu.

Umuvugizi w'umuryango wo muri Norvege ufasha impunzi ( Norwegian Refugee Council) yavuze ko imiryango itanga imfashanyo yarengewe ku buryo birimo kuyigora kugeza ku bahunze amazi, ibyo kurya n'imiti bihagije.

Abantu barara hanze mu nkambi zikabije kuzura impunzi.