Urwanda rugiye guca imyenda yambawe?

Inganda zo mu gihugu zishobora guhaza abaturage? Uwufise ububasha kw’isanamu BBC, Yves Bucyana
Image caption Impuzu zambawe zicibwa isoro ihanitse mu Rwanda

Icyemezo co kongera imisoro kuri 'Chagua' mu Rwanda kigamije gutuma abakoresha 'chagua' bayireka bagakoresha imyenda n'inkweto bikozwe n'inganda zo mu Rwanda.

Abacuruza iyo myenda basanga icyo cyemezo gifashwe huti huti mu gihe icyo gihugu gituwe n'abaturage basaga milioni 12 gifite uruganda rumwe gusa rukora imyenda.

Ku isoko rya Biryogo mu mujyi wa Kigali, ahacururizwa imyenda izwi nka "chagua"abacuruzi baricaye, ni nkaho nta kazi bafite kuko abaguzi ni ntabo.

Benshi baribaza ku mibereho yabo mu minsi iza kuza nyuma y'icyemezo cyo kuzamura umusoro kuri iyi myambaro.

Uwufise ububasha kw’isanamu BBC, Yves Bucyana
Image caption Impuzu zamabwe zicuruzwa mu Biryogo

Umwe muri abo bacuruzi avuga ko agiye guhagarika ubwo bucuruzi, kubera ubushobozi buke bwo kurangura.

Abacuruzi bavuga ko abaguzi bagabanutse kubera ibiciro.

Ubwo yaherukaga mu nteko ishingamategeko gutangaza ingengo y'imari, Minisitiri w'imari n'igenamigambi Claver Gatete n'ibwo yari yatangaje ibigendanye n'iyi misoro mishya.

Avuga ko imisoro kumyenda yamabwe, izova ku madorari 0.2 kugera ku madorari 2.5, nayo ku nkweto, iyo misoro ikava ku madorari 0.2 ikaja ku madorari 5 ku kirogarama.

Uwufise ububasha kw’isanamu BBC, Yves Bucyana
Image caption Ibidandazwa vyambawe, bamwe babona ko vyari bikiri nkenerwa.

Icyi n'icyifuzo cy'umuryango w'ibihugu bya Afrika y'iburasirazibu.

U Rwanda rukaba rubaye urwa mbere mu kugishyira mu bikorwa.

Bamwe mu bacuruzi babwiye BBC ko kuri bo babona hari hakiri kare kuko u Rwanda nta nganda zihagije rufite.

Leta ivuga ko gutumiza imyenda ya chagua bitwara akayabo ka milioni 15 z amadorali y'amerika buri mwaka, ni miliari irenga y'amafaranga y'u Rwanda.

Abategetsi b'u Rwanda bamaze iminsi bashishikariza abaturage gukoresha iby'inganda zo mu gihugu, mu rwego rwo kuziteza imbere.

Ariko bamwe mu Banyarwanda bakavuga ko bigoye ko uruganda rumwe rw'imyenda ruhaza miriyoni 12 z'abaturage.