Andrea Leadsom yashyigikiye Theresa May

Andrea Leadsom Uwufise ububasha kw’isanamu AP
Image caption Andrea Leadsom

Umwe mu bakandida babiri bahatanira umwanya wo gusimbura ministri w'intebe David Cameron kuyobora leta y'Ubwongereza yabivuyemo.

Andrea Leadsom yahise ashyigikira Theresa May bari bahanganye.

Yavuze ko Theresa May afite ubushobozi buhagije bwo gushyira mu bikorwa igikorwa cyo kuvana Ubwongereza mu muryango w'Ubumwe bw'Uburayi.

Madamu Leadsom yavuze kandi ko abanyemali n'abacuruzi bakeneye kugira umutima utuje muri kino gihe.

Kuri we ngo ibyumweru icyenda by'ibikorwa byo kwiyamamaza ngo ntabwo byari bikenewe.

Uwufise ububasha kw’isanamu Getty Images
Image caption Theresa May ubu asigaye ntawe bahanganye

Yavuze ko atari yiteze kuzabona abadepite benshi bamushyigikiye mu ishyaka riri butegetsi rya Conservative.

Hagati aho umukuru w'ishyaka rikomeye mu mashyaka atavuga rumwe na leta - Jeremy Corbyn - ahanganye n'abamusaba kwegura.

Umudepite Angela Eagle yatangije ku mugaragaro igikorwa cyo kumuvana k'ubuyobozi bw'ishyaka rya Labour.