Amashusho yerekana ivyabaye mu gitero c'i Nice

Amashusho yaturutse ahabareye igitero cahitanye abantu 84 mu bari mu munsi mukuru i Nice mu Bufaransa

Ikamyo, yatobaguwe n'amasasu, kumwe n' imodoka za rusehabananiha, imodoka ya polisi n'abapolisi iruhande y'ahabereye igitero.

Ahavuye isanamu, EPA

Insiguro y'isanamu,

Ikamyo yisutse mu bantu mu muji wa Nice mu bumanuko bw'Ubufaransa, ihitana abaharurwa mu mirongo, barimwo n'abana.

Ahavuye isanamu, AP

Insiguro y'isanamu,

Abapolisi bafise inkoho bariko begereza ikamyo mu kibanza c'umushoferi, bamaze kurasana nawe

Ahavuye isanamu, AFP

Insiguro y'isanamu,

Ikiyo c'imbere kw'ikamyo cari cuzuye intoboro z'amasasu bishoboka ko yarashwe n'abajejwe umutekano, bavuze ko bishe umushoferi yarimwo. Bavuze ko basanze inkoho n'amagerenade muri iyo modoka.

Ahavuye isanamu, AFP

Insiguro y'isanamu,

Muri Nice bari basanzwe bari mu munsi mukuru aho bariko barekura imbeya z'amabara, igihe igitero caba.

Ahavuye isanamu, EPA

Insiguro y'isanamu,

Ahazwi kw'izina rya Promenade des Anglais, ikamyo yagenze ibirometero 2 mu kirwi c'abantu.

Ahavuye isanamu, AFP

Insiguro y'isanamu,

Abajejwe gutabara baciye bahashika ubwo nyene. Abantu benshi bari bishwe, abandi bakomeretse.

Ahavuye isanamu, AFP

Insiguro y'isanamu,

Abategetsi basavye abantu kuguma mu mazu

Ahavuye isanamu, Eric Gaillard / Reuters

Insiguro y'isanamu,

Ababibonye bavuga ko ikamyo yagenda ihushagurika, isa n'ishaka kugonga abantu benshi bashoboka.

Ahavuye isanamu, AP

Insiguro y'isanamu,

Perezida w'Ubufaransa Francois Hollande yavugiye kuri tereviziyo, aho yatangaje ko ico ari "igitero c'iterabwoba."

Ahavuye isanamu, AP

Insiguro y'isanamu,

Abasirikare barungitswe mu muji wa Nice. Abajejwe ubutungane bavuga ko batanguye itohoza ku caha c'iterabwoba.

Ahavuye isanamu, AFP

Insiguro y'isanamu,

Umusjhikiranganji w'intwaro yo hagati w'Ubufaransa Bernard Cazeneuve, yabwiye abanyamakuru ibimaze kumenyekana ku gitero ca Nice

Ahavuye isanamu, Eric Gaillard / Reuters

Insiguro y'isanamu,

Kuwa gatanu mu gitondo, ibisigarira vyo mw' ijoro ryakeye biracasanzaye mw'ibarabara, Amabendera mu Bufaransa yurijwe kugeza hagati, igiteramo ca Jazz cari kuba i Nice casibijwe.

Ahavuye isanamu, ANNE-CHRISTINE POUJOULAT / AFP

Insiguro y'isanamu,

Umunyamakuru wa BBC Jon Donnison ari muri Nice, avuga ko haboneka ubwoba no kwumirwa, muri uwo muji ukikijwe n'ikirere ciza c'inkengera z'amazi.

Ahavuye isanamu, BORIS HORVAT / AFP

Insiguro y'isanamu,

Abajejwe amatohoza bamaze gutangura ahabareye igitero

Ibindi bisa n’ibi