Turikiya ikomeje guhiga abashatse guhirika ubutegetsi

Abasirikare babarirwa mu bihumbi barafashwe.

Ahavuye isanamu, AFP

Insiguro y'isanamu,

Abasirikare babarirwa mu bihumbi barafashwe.

Abategetsi bo muri Turikiya barimo gushakisha mu bigo bya gisirikare mu gihugu hose abashyigikiye igikorwa cyaburijwemo cyo guhirika ubutegetsi kuwa gatanu.

Ni muri urwo rwego, umwe mu bayobozi b'igisirikare n'abandi basirikare 50 batawe muri yombi mu mujyi wa Denizli uri mu burengerazuba bw'igihugu.

Ahavuye isanamu, AP

Insiguro y'isanamu,

Abana bari ku gifaru cy'abasirikare bagerageje guhirika ubutegetsi.

Kugeza ubungubu abasirikare bamaze gutabwa muri yombi barabarirwa mu bihumbi, naho abacamanza hafi ibihumbi bitatu birukanwe ku kazi.

Perezida Recep Tayyip Erdogan yavuze ko inteko nshingamategeko iziga niba hajyaho igihano cy'urupfu.

Ahavuye isanamu, AFP

Insiguro y'isanamu,

Inzu inteko nshingamategeko ikoreramo iri muzagabweho igitero kuwa gatanu.

Abatawe muri yombi barashinjwa kuba abayoboke b'umuvugabutumwa uba muri Amerika witwa Fethullah Gulen leta ishinja kuba yari inyuma y'uwo mugambi wapfubye wo guhirika ubutegetsi.

Ibyo ariko Gulen arabihakana.

Leta zunze ubumwe za Amerika zasabye Turikiya kubahiriza amategeko mu maperereza yerekerenye n'icyo gikorwa cyo kugerageza guhirika ubutegetsi.