Abandi bantu 2 batawe muri yombi nyuma y'ibitero by'i Nice
Ahavuye isanamu, PA
Ubushinjacyaha bwo mu Bufaransa buravuga ko abandi bantu babiri bakekwaho gukorana n'umugabo wishe abantu 84 abagongesheje ikamyo ubu bari mu maboko y'igipolisi.
Ubushinjacyaha buravuga ko umugabo n'umugore batawe muri yombi.
Biravugwa ko bakoranaga na Mohamed Lahouaiej-Bouhlel, umunyatuniziya wanyujije ikamyo hejuru y'imbaga y'abantu mbere yo kwicwa arashwe n'igipolisi.
Abandi bantu batanu bafashwe mbere baracyafunze.
Mbere yaho, minisitiri w'ubutegetsi bw'igihugu, Bernard Cazeneuve, yasabye "abafaransa bose bakunda igihugu babyifuza" kujya mu ngabo z'inkeragutabara kugirango bafashe mu kurinda umutekano.
Ahavuye isanamu, AP
Mohamed Lahouaiej-Bouhlel yanyujije ikamyo hejuru y'imbaga y'abantu bari mu birori byo kwizihiza umunsi wiswe uwa Bastille kuwa kane mbere yo kwicwa arashwe n'igipolisi.
Umutwe wiyita Leta ya Kiyislamu uvuga ko icyo gitero cy'ikamyo cyagabwe n'umwe mu bayoboke wawo.
