Boko Haram muri Nijeriya: Yacitsemo ibice kubera ubuyobozi

Abubakar Shekau Uwufise ububasha kw’isanamu AFP
Image caption Abubakar Shekau yasohoye ubutumwa bw'amajwi ku wa Gatatu, ku nshuro ya mbere yumvikanye kuva umwaka ushize.

Umuyobozi wa Boko Haram utavugwaho rumwe yavuze akiri ku buyobozi bw'uyu mutwe n'ubwo hari itangazo rya Islamic State rivuga ko yasimbuwe.

Abubakar Shekau, yamaganye itangazo rya IS ryavugaga ko Abu Musab al-Barnawi ari we muyobozi mushya.

Shekau arega al-Barnawi ko agerageza kumuhirika ku butegetsi.

Boko Haram iri kurwana n'ingabo za guverinoma ishaka guhirika ubutegetsi muri Nijeriya igashyiraho leta ya kiyisilamu mu majyaruguru y'igihugu.

Mu mezi 18 ashize, uyu mutwe watakaje ibice bnyinshi by'ingenzi yagenzuraga nyuma yo gutsimburwa n'ingaboz a leta zifatanyije n'iz'ibihugu bituranye na Nijeriya.

Shekau aherutse kumvikana mu butymwa bw'amajwi mu kwezi kwa Munani umwaka ushize, avuga ko akiriho kandi nta muntu wamusimbuye. Amashusho ya IS yasohowe mu kwezi kwa Kane nayo yarabyemezaga.

Mu butumwa bw'amajwi bwamaze iminota 10 mu Cyarabu no mu gi Hausa, Shekau asa n'utandukanya IS na Boko Haram ariko akita Abu Bakr al-Baghdadi umuyobozi mu by'imyemerere.

Uwufise ububasha kw’isanamu Boko Haram video
Image caption Mu mashusho ya Boko Haramyo mu kwezi kwa Mbere 2015, Abu Musab al-Barnawi yasobanuwe nk'umuvugizi w'uyu mutwe.