Kamarampaka muri Tayilande: Itegekonshinga ryanditswe n'igisirikare rirajya muri kamarampaka

  • 7 Ukw’umunani 2016
Abaturage baragenzura amazina yabo ku rutonde rw'itora mbere yo gutota Uwufise ububasha kw’isanamu AFP
Image caption Abaturage baragenzura amazina yabo ku rutonde rw'itora mbere yo gutota

Abaturage muri Tayilande bazindukiye mu matora ya kamarampaka y'umushinga wi'itegekonshinga ryanditswe na komite yagenwe n'igisirikare.

Igihe igisirikare cyafataga ubutegetsi mu mwaka wa 2014, nyuma y'imirwano n'izahara ry'umutekano, cyahise kiburizamo itegekonshinga rya cyera.

Abashyigikjiye iri tegekonshinga rishya bavuga ko rizatuma hagaruka umutekano n'ituze mu gihugu, ariko abarinenga bavuga ko rizatuma igisirikare kigendura ubutegetsi cyane.

Ibikorwa byo kwiyamamaza byamagana iri tegekonshinga byarabujijwe ndetse abantu babarirwa muri mirongo batawe muri yombi.

Amashyaka akomeye atavuga rumwe n'ubutegetsi muri Tayilande yamaganye umushinga w'itegekonshinga rishya.

Amajwi y'ibyavuye muri kamarampaka ategerejwe kumenyekana mu mpera z'uyu munsi.

Uwufise ububasha kw’isanamu Twitter
Uwufise ububasha kw’isanamu AP
Image caption Abasirikare ba Tayilande nabo bitabiriye amatora ya kamarampaka
Uwufise ububasha kw’isanamu Reuters
Image caption Minisitiri w'intebe Prayuth Chan-ocha yabaye uwa mbere mu batoreye i Bangkok
Uwufise ububasha kw’isanamu Reuters
Image caption ...kimwe n'uwahoze ari minisitiri w'intebe Yingluck Shinawatra (hagati), werekanye igikumwe cye nyuma yo gutora

Abanya Tayilande baratora iki?

Abaturage miliyoni 50 bemerewe gutora barabazwa ikibazo kigira kiti: Uremera umushinga w'itegekonshinga?Baranabazwa ibindi bibazo by'umugereka nko kuba niba bemera ko sena yafatanya n'inteko ishinga amategeko gutora minisitiri w'intebe.

Ubwiganze bw'abaturage nibatora yego, umushinga w'itegekonshinga uremezwa nk'itegekonshinga, bishimangira imbaraga z'ubutegetsi bw'igisirikare mu gihe hiteguwe amatora Bwana Prayuth wayoboye ihirikwa ry'ubutegetsi muri 2014, yasezeranyije ko azaba umwaka utaha.

Itegekonshinga niritemerwa, ikizakurikiraho ntigisobanutse, ariko ubutegetsi bwa gisirikare buzagumaho.

Uwufise ububasha kw’isanamu Getty Images
Image caption Guverinoma yateguye ibikorwa byinshi byo gushyigikira umushinga w'itegekonshinga.
Uwufise ububasha kw’isanamu AFP
Image caption Hagati aho, abakekwa kudashyigikira umushinga w'itegekonshinga barashinjwa ndetse bashobora no gukatirwa n'ibahamwa n'ibyaha

Tayilande imaze imyaka irenga icumi y'impagarara za politike ndetse n'ihungabana ry'umutekano rimwe na rimwe ryanateye imvururu ku mihanda.

Kuri iyi nshuro, amashyaka ashamikiye ku wahoze ari minisitiri w'intebe Thaksin Shinawatra, yatsinze amatora yose yabanje ariko ubutegetsi bwayo bwahiritswe n'itegeko ry'urukiko cyangwa n'igisirikare.