Abasivile batari munsi ya 36 biciwe hafi ya Beni

Umujyi wa Beni Uwufise ububasha kw’isanamu AFP
Image caption Ubwo bwicanyi bwabereye hafi y'umujyi wa Beni

Igisirikare muri Repubulika iharanira demokarasi ya Congo kiravuga ko cyabonye imirambo y'abaturage b'abasivili bagera kuri mirongo itatu n'abatandatu baguye mu gitero mu burasirazuba bw'igihugu.

Ubwo bwicanyi bwabereye mu ijoro ryakeye ku murenge uri hafi y'umujyi wa Beni.

Igisirikare kirakeka cyo bwakozwe n'inyeshyamba zo mu mutwe wa ADF.

Umukuru w'intara ya Kivu ya ruguru yavuze ko abo bantu bishwe bahambiriwe amaboko maze batemagurirwa mu mago yabo no mu mirima yabo.

Igisirikare kiravuga ko izo nyeshyamba zashakaga kwihimura kubera ibitero kigaba kuri zo.

Mu mujyi wa Beni abantu barakaye bakoze imyigaragambyo bamagana icyo bise kutarindwa kw'abaturage b'abasivile.

Uwufise ububasha kw’isanamu Reuters
Image caption Igisirikare cya Congo kimaze igihe gihanganye n'imitwe inyuranye mu burasirazuba bw'igihugu.

Izi nyeshyamba zirwanya ubutegetsi bwo muri Uganda zimaze imyaka myishi ziri ku butaka bwa Congo.

Akarere ka Beni guhera muri 2014 kibasiwe n'ubwicanyi bwinshi bwahitanye abaturage b'abasivile babarirwa mu magana.