Inkino z'itike y'igikombe ca Afrika zigeze he?

Cote d'Ivoire yari ikeneye inota rimwe, aho yarironse kubera igitego ca Jonathan Kodjia, inyuma y'iminota 37 gusa urukino rutanguye.

Senegal yatsinze Namibia 2-0, ukaba ari wo murwi wonyene waronse itike yo kuja mu nkino z'igikombe ca Afrika mu kwa mbere muri Gabon, ufise amanota 100%.

Kuri uyu w'Imana, umurwi wa Niger wakinye n'uwo Uburundi n'ubwo iyo mirwi yompi yamaze gusezererwa itazoja muri Gabon.

Umurwi wa Uganda watsinze amazinga ya Comores 1-0, ukaba waronse itike yo kuja muri izo nkino z'igikombe ca Afrika.

Urwanda rwo rwahuye ejo na Ghana, aho iyo mirwi yanganije 1-1, ariko Ghana yari yamaze kuronka itike yo kuja mu nkino za nyuma zizobera muri Gabon.