Inkino za paralympique z'abagendana ubumuga zatanguye

Umutima utera i Maracana
Insiguro y'isanamu,

Umutima utera i Maracana

Abantu ibihumbi n’ibihumbi vy’abanonotsi bagendana ubumuga ni bo bari mu birori mu kiringo c’amasaha i Maracana.

Ihiganwa ryatanguye ku musi wa kane, aho umwongereza Dame Sarah Storey ashobora kuba umunonotsi wa mbere w’umupfasoni agendana ubumuga.

Ururirimbo ruhayagiza igihugu ca Brezil rwavugijwe kuri piano na Carlos Martin, agendana ubumuga bw’ukuboko k’ukuryo, imbere y’uko haba urugendo rw’abanonotsi.

Insiguro y'isanamu,

Ubwongereza buhanze amaso Dame Sarah Storey muri izo nkino

Igihugu cose cari citwaje ikintu canditseko ico gihugu ku ruhande rumwe, n’amasura y’abanonotsi baco kuri rundi.

Bahejeje, baciye bashira hamwe amasura y’abaje guhiganwa bose muri izo nkino za Paralympique 2016.

Ayo masura yose agiye hamwe yagize umutima utera, watanguye gutera hatanguye kuvuga umuziki.

Insiguro y'isanamu,

Abanonotsi bagendana ubumuga 4.350 bava mu bihugu 160 bazohiganirwa imidari 528

Ikiringo gikomeye c’ivyo birori, hari igihe umuco mwinshi washwara muri iryo sinzi ry’abantu, rituma batabona umwanya muto, kugira abaje kurorera babereke isura y’abanonotsi bagendana ubumuga, aho vyabaye ngombwa ko bakoresha ubindi bihimba vy’umubiri, nko kwumva gusa.