Amatora muri DR Congo: 17 bapfiriye mu myigaragambyo yamagana Kabila

Abantu babarirwa mu majana bigaragambya bagiye mu mihanda kwamagana perezida Kabila Uwufise ububasha kw’isanamu Reuters
Image caption Abantu babarirwa mu majana bigaragambya bagiye mu mihanda kwamagana perezida Kabila

Abantu bagera kuri 17 bapfuye muri Repubulika Iharanira Demokarasi ya Congo mu myigaragambyo yamagana perezida Joseph Kabila imusaba kuva ku butegetsi.

Minisitiri w'ubutegetsi bw'igihugu, Evariste Boshab, yavuze ko batatu mu bapfuye ni abapolisi, umwe muri bo yishwe atwitswe ari muzima.

Ariko imitwe itavuga umwe na leta yavuze ko hapfuye abantu 50, umutangabuhamya akavuga ko umupolisi yarashe amasasu mu kivunge cy'abantu.

Abigaragambya bashyize amabariyeri mu nzira banatwika imodoka zari kuri umwe mu mihanda migari mu murwa mukuru i Kinshasa.

Nyuma y'imyigaragambyo, imirambo y'abapfuye yari iri mu mihanda.

Ku wa Mbere, byari byitezwe ko komisiyo y'amatora itangaza itariki y'amatora y'umukuru w'igihugu ateganyijwe mu kwezi kwa 11 ariko ikavuga ko bidashoboka gutegura amatora icyo gihe.

Abatavuga rumwe na leta bavuga ko Bwana Kabila ashaka gukerereza amatora kugira ngo agundire ubutegetsi nyuma y'ukwezi kwa 12 aho yagombye kurangiza manda ye.

Uwufise ububasha kw’isanamu Getty Images
Image caption Bwana Kabila yagiye ku butegetsi muri 2001 nyuma y'uko se yiciwe

Umunyamakur wa BBC ishami ry'igifaransa, Poly Muzalia, aravuga ko polisi yataye muri yombi nibura abantu 10 mu majana y'abantu bigaragambirizaga ku mihanda mu murwa mukuru.

Umunyamakur wacu aravuga ko amashuli menshi n'amaduka i Kinshasa bifunze, abadafite uruhare mu myigaragambyo bakaba bahisemo kuguma mu ngo zabo kugira ngo birinde ibibazo.

Uwufise ububasha kw’isanamu AP
Image caption Abigaragambya batwitse amamodoka banashyira amabariyeri mu mihanda
Uwufise ububasha kw’isanamu Reuters
Image caption Abapolisi bakumira imyigaragambyo bagabwe mu murwa mukuru Kinshasa

Umuhate wa guverinoma wo kugerageza gushaka igisubizo ku bibazo bya politike biri mu gihugu mu nzira yiswe "ibiganiro by'igihugu" yanze kwitabirwa na menshi mu mashyaka atavuga rumwe na leta.

Manda ya kabiri ya Bwana Kabila, ari nayo ya nyuma ku bitegaywa n'itegekonshinga, izarangira mu ku itariki 20/12.

Mu mwaka ushize abandi bantu 12 bapfuye muri ubu buryo bw'imyigaragambyo.

Repubulika Iharanira Demokarasi ya Congo ntiragira ihererekanya ry'ubutegetsi rinyuze mu ituze kuva yabona ubwigenge mu myaka irenga 55.