Ibiganiro ku masezerano ya Celta: Intambwe ya nyuma yo kugera ku masezerano hagati ya EU na Canada

Paul Magnette (hagati) auyoboye uruhande rutavuga rumwe na leta i Wallonia 21/10/2016 Uwufise ububasha kw’isanamu EPA
Image caption Paul Magnette (hagati) auyoboye uruhande rutavuga rumwe na leta i Wallonia

Ibibganiro by'igitaraganya biri kubera i Buruseli mu kugerageza kugera ku masezerano y'ubucuruzi hagati y'Umuryango w'Ubumwe bw'Ibihugu by'Uburayi, EU na Canada, yatambamiwe n'akarere ko mu Bubiligi.

Umukuru w'inteko ishinga amategeko y'Uburayi Martin Shulz ari bugirane ibiganiro byihariye na minisitiri w'ubucuruzi, Chrystia Freeland, ndetse n'uhagarariye akarere ka Wallonia mu Bubiligi.

Madamu Freeland yahagaritse ibiganiro ku wa Gatanu, nyuma y'imyaka irindwi.

Kunanirwa kugera ku masezerano, yiswe Ceta bishobora gutuma ubushobozi bwa EU bwo kugera ku masezerano y'ubucuruzi bwibazwaho.

Ibihugu byose uko ari 28 bigize EU bishyigikiye amasezerabo ya Ceta, yari ategeganyijwe gushyirwaho umukono mu cyumweru gitaha.

Cyakora, akarere ka Wallonia, kakoresheje uburenganzira bwako butegaywa n'itegekonshinga gasaba ibisobanuro bishingiye ku kumenya uburyo abakozi, abaguzi n'ibidukikije bizarengerwa.

Madamu Freeland yavuze ko bigaragara ko EU idashobora kugera ku masezerano na Canada, n'ubwo ari igihugu gisangiye indangagaciro zimwe n'Uburayi.

Igihe yageraga mu nteko ishinga amtegeko, yagize ati: "Umupira uri mu kibuga cy'Uburayi." "Twizeye ko bishoboka kubona igisubizo."