DR Congo yataye muri yombi umuyobozi muri FDLR

Urwibutso rwa jenoside Uwufise ububasha kw’isanamu AFP
Image caption Amafoto ya bamwe mu bishwe muri jenoside mu 1994 ari mu rwibutso rukuru rwa Gisozi

Umuyobozi w'abarwanyi b'inyeshyamba za FDLR ushakishwa kubera ibyaha byakorewe ku butaka bwa Repubulika Iharanira Demokarasi ya Congo yafatiwe mu burasirazuba bwa bwa Congo.

Habyarimana Mucebo, umuyobozi wo ku rwego rwo hejuru mu nyeshyamba za FDLR, yafatiwe i Rutshuru mu majyaruguru ya DR Congo.

Abarwanyi bwa FDLR bahungiye mu Congo nyuma ya jenoside mu Rwanda mu 1994.

Igisirikare kivuga ko Bwana Mucebo, wari ukuriye urwego rw'iperereza muri FDLR, yajyaywe muri kasho guhatwa ibibazo.

Benshi mu bayobozi ba FDLR bashakishwa n'ubucamanza mu Rwanda kubera ibyaha bacyekwaho bya jenoside.

Ifatwa rya Bwana Mucebo ntabwo rifitanye isano n'ibyaha bya jenoside nk'uko byari byigeze kuvugwa ku ikubitiro.

Abategetsi muri Congo bamushinja kugira uruhare mu byaha bikomeye biregwa FDLR.

Mu gihe cy'imyaka myinshi, abarwanyo ba FDLR barezwe gutera umutekano mucye mu ntara ya Kivu y'amajyaruguru muri Congo.

U Rwanda rwohereje ingabo muri Congo inshuro nyinshi, ruvuga ko zigiye guhiga abarwanyi ba FDLR.