LONI ivuga ko miliyoni n'igice bugarijwe n'inzara muri Madagascar
Ahavuye isanamu, Getty Images
Umusaruro w'umuceri wagabanutse ku kigero cya 60% mu duce tumwe, ndetse abantu bamwe biba ngombwa ko biyambaza uwo batumije hanze
Umuryango w'Abibumbye uravuga ko abantu hafi miliyoni imwe n'igice mu majyepfo ya Madagascar bugarijwe n'intambara kubera amapfa.
Ibi bibazo byatewe n'uruzuba rwinshi rwakajijwe n'ihindugagurika ry'ibihe biterwa n'icyo bita El Nino.
Ishami rya LONI ritanga imfashanyo y'ibirirwa rivuga ko umusaruro w'ibigori mu karere ka Androy wagabanutse ko mirongo inani ku ijana muri uno mwaka.
Ibindi biribwa by'ibanze, birimo n'imyumbati nabyo ntibigipfa kuboneka.
Abantu baragerageza kuramuka barya imbuto z'ibihingwa cyangwa se bakagurisha ibikoresho byo mu buhinzi cyangwa se amatungo
Ahavuye isanamu, Thinkstock
Uduce tumwe mu majyepfo ya Madagascar twakubiswe n'urukurikirane rw'amapfa
Icyegeranyo kigira kiti:
"Ingo ziri kugabanya umusaruro w'ibihingwa mu gihugu."
"[People are] Abantu bari gushaka uburyo bwo kurokoka nko kurya imbuto z'ibihingwa, kugurisha amatungo yabo n'ibikoresho bifashisha mu buhinzi ndetse no kurya ibiryo byo mu ishyamba bikennye mu ntungamubiri nk'imbundo zitukura z'inturusu."
